മുംബൈ: സ്റ്റീല് ഉപഭോഗം ഇന്ത്യയില് വര്ധിച്ചതോടെ ഇന്ത്യയിലെ സ്റ്റീല് ഉല്പാദനക്കമ്പനിയായ ജെഎസ് ഡബ്ല്യുവിന് പുതിയ സാമ്പത്തിക വര്ഷത്തിലെ ആദ്യ സാമ്പത്തിക പാദത്തില് 154 ശതമാനം ലാഭം. ഏകദേശം 2209 കോടി രൂപയുടെ ലാഭമാണ് 2025 ഏപ്രില്- ജൂണ് ത്രൈമാസത്തില് ലഭിച്ചത്.
കഴിഞ്ഞ സാമ്പത്തിക വര്ഷം ഇതേ കാലയളവില് വെറും 867 കോടി രൂപ മാത്രമായിരുന്നു ലാഭം. ഉല്പാദനച്ചെലവ് കുറഞ്ഞതും ഇന്ത്യയ്ക്കകത്ത് നിന്നുള്ള സ്റ്റീല് ഡിമാന്റ് വര്ധിച്ചതുമാണ് ഈ ലാഭക്കുതിപ്പിന് കാരണം.ഉല്പാദനത്തിനുള്ള അസംസ്കൃത വിഭവമായ കോകിംഗ് കല്ക്കരിയുടെ വില കുറഞ്ഞത് അനുഗ്രഹമായി. ഓര്ഡര് പല മടങ്ങായി വര്ധിച്ചു. കേന്ദ്രസര്ക്കാര് സ്റ്റീല് രംഗത്തിനും അടിസ്ഥാനസൗകര്യവികസനത്തിനും കൂടുതല് തുക വകയിരുത്തിയതും വളര്ച്ചയ്ക്ക് കാരണമായി എന്ന് ജെഎസ് ഡബ്ല്യു പറയുന്നു.
കമ്പനിയുടെ ഇക്കാലയളവിലെ ആകെ വരുമാനം 42,962 കോടി രൂപയായിരുന്നു.
