ന്യൂദല്‍ഹി: പലസ്തീന്‍ സിന്ദാബാദ് വിളിച്ച് പ്രസംഗവേദികളില്‍ കത്തിക്കയറുന്ന കട്ട കമ്മ്യൂണിസ്റ്റായി പുറത്ത് അറിയപ്പെടുന്ന സൊഹ്റാന് മംദാനി വരുന്നത് സമ്പന്നതയുടെ മടിത്തട്ടില്‍ നിന്നും. ഇതിനെതിരെ ന്യൂയോര്‍ക്ക് പോസ്റ്റ് പ്രസിദ്ധീകരിച്ച റിപ്പോര്‍ട്ട് വിവാദമാവുകയാണ്. മംദാനിയുടെ അമ്മ മീരാ നായര്‍ എന്ന ഇന്ത്യന്‍-അമേരിക്കന്‍ സംവിധായികയുടെ വീടിന്റെ വില 17 കോടി രൂപ. പിതാവ് മഹ്മൂദ് മംദാനിയുടെയും അമ്മ മീരാനായരുടെയും കൂടിച്ചേര്‍ന്നുള്ള ആസ്തി 84 കോടി രൂപയോളം വരും. പിതാവ് മഹ്മൂദ് മംദാനി കൊളംബിയ യൂണിവേഴ്സിറ്റിയില്‍ പ്രൊഫസറാണ്. പാവങ്ങളെക്കുറിച്ചും കമ്മ്യൂണിസത്തെക്കുറിച്ച് ഉച്ചൈസ്തരം പ്രസംഗിക്കുന്ന സൊഹ്റാന് മംദാനി ഒരു വ്യാജകമ്മ്യൂണിസ്റ്റാണെന്ന പ്രചാരണവും കൊഴുക്കുകയാണ്. അമ്മ മീരാ നായര്‍ ഹിന്ദുവാണെങ്കിലും പിതാവ് മഹ്മൂദ് മംദാനി മുസ്ലിമാണ്. പിതാവിന്റെ ഇസ്ലാം മതമാണ് സൊഹ്റാന് മംദാനി സ്വീകരിച്ചിരിക്കുന്നത്.
ട്രംപിന്റെ റിപ്പബ്ലിക്കന്‍ പാര്‍ട്ടിയുടെ പ്രവര്‍ത്തകരായ ലോറ ലൂമറും മെഗാന്‍ മക് ഗെയിനും ആണ് സൊഹ്റാന് മംദാനിയ്‌ക്കെതിരെ വിമര്‍ശനവുമായി രംഗത്തെത്തിയിരിക്കുകയാണ്. സാധാരണക്കാര്‍ക്ക് ന്യൂയോര്‍ക്കില്‍ കുറഞ്ഞ ചെലവില്‍ ജീവിക്കാനുള്ള സാഹചര്യം ഉണ്ടാക്കണമെന്നതാണ് സൊഹ്റാന് മംദാനി ഉയര്‍ത്തുന്ന മുദ്രാവാക്യം. ഇത്രയും സമ്പന്ന മടിത്തട്ടില്‍ ജനിക്കുകയും അതിന്റെ മുഴുവന്‍ ഗുണങ്ങളും അനുഭവിക്കുകയും ചെയ്ത് സൊഹ്റാന് മംദാനിയുടെ ഗാസ പ്രേമവും കമ്മ്യൂണിസ്റ്റ് ഭാഷണങ്ങളും വെറും കള്ളത്തരമാണെന്നും ട്രംപിന്റെ പാര്‍ട്ടി നേതാക്കള്‍ പറയുന്നു. പാവങ്ങളും പണക്കാരും തമ്മിലുള്ള അന്തരം ഇല്ലാതാക്കുമെന്നതാണ് സൊഹ്റാന് മംദാനിയുടെ മറ്റൊരു പ്രചാരണം. ന്യൂയോര്‍ക്കിന്റെ മേയറായി തെരഞ്ഞെടുത്താല്‍ പണക്കാര്‍ക്ക് വമ്പന്‍ നികുതി ചുമത്തുമെന്നും സൊഹ്റാന് മംദാനി പറഞ്ഞിരുന്നു. സമ്പന്നതയുടെ മടിത്തട്ടില്‍ ജീവിതം ആഘോഷിച്ച സൊഹ്റാന് മംദാനിയ്‌ക്ക് പാവങ്ങളെക്കുറിച്ച് മിണ്ടാന്‍ അവകാശമില്ലെന്നും വിമര്‍ശനമുയരുന്നു.
ഗുജറാത്തില്‍ 2002ലെ വര്‍ഗ്ഗീയ കലാപത്തിന് ശേഷം മുസ്ലിങ്ങള്‍ ഇല്ലാതായെന്ന രീതിയിലുള്ള സൊഹ്റാന് മംദാനിയുടെ പ്രസ്താവനയ്‌ക്കെതിരെയും വലിയ വിമര്‍ശനമാണ് ഉയരുന്നത്. സെന്‍സസ് പ്രകാരം ഗുജറാത്തിലെ മുസ്ലിങ്ങളുടെ ജനസംഖ്യ 10 ശതമാനമാണ്.
ന്യൂയോര്‍ക്ക് മേയര്‍ മത്സരത്തില്‍ പ്രാഥമിക തലത്തില്‍ സൊഹ്റാന് മംദാനി വിജയിച്ചു. ഇതിന് പിന്നില്‍ ആ പ്രദേശത്തെ മുസ്ലിംവോട്ടുകള്‍ ഏകീകരിച്ചതും ഡമോക്രാറ്റുകളുടെ പിന്തുണയും സഹാകരമായിട്ടുണ്ട്. നവമ്പറിലാണ് അവസാന തെരഞ്ഞെടുപ്പ്. ട്രംപ് സൊഹ്റാന് മംദാനിയെ വിശേഷിപ്പിക്കുന്നത് കമ്മ്യൂണിസ്റ്റ് ഭ്രാന്തന്‍ എന്നാണ്.
