കോഴിക്കോട് : സംസ്കൃത സ്കോളര്ഷിപ്പ് പരീക്ഷ കഴിഞ്ഞ് ഫലം പ്രഖ്യാപിച്ച് 6 മാസം കഴിഞ്ഞിട്ടും തുക കുട്ടികള്ക്ക് നല്കാത്തതില് കേരള സംസ്കൃതാധ്യാപക ഫെഡറേഷന് പ്രതിഷേധിച്ചു.
സാധാരണ സര്ട്ടിഫിക്കറ്റുകളും തുകയും അതാത് വര്ഷം തന്നെ വിതരണം ചെയ്യുകയായിരുന്നു പതിവ് എന്നാല് എച്ച് എസ് വിഭാഗത്തിന്റെ തുക മാത്രമാണ് നിലവില് വിതരണം ചെയ്തത്. എല് പി, യു പി, വിദ്യാര്ത്ഥികളുടെ സ്കോളര്ഷിപ്പ് തുക ഇനിയും വിതരണം ചെയ്തിട്ടില്ല. 142 ഉപജില്ലകളിലായി 12070 വിദ്യാര്ത്ഥികള്ക്കാണ് സ്കോളര്ഷിപ്പ് തുക ലഭിക്കേണ്ടത്. തുക എത്രയും വേഗം വിതരണം ചെയ്യാനുളള നടപടി സ്വീകരിക്കണമെന്ന് കേരള സംസ്കൃതതാധ്യാപക ഫെഡറേഷന് ആവശ്യപ്പെട്ടു.
ഇത്തരം കാര്യങ്ങള് ഏകോപിപ്പിക്കേണ്ട ചുമതലയുള്ള സംസ്കൃത സ്പെഷ്യല് ഓഫീസര് തസ്തികയില് മൂന്ന് വര്ഷമായി നിയമനം നടന്നിട്ടില്ല എന്നും കേരള സംസ്കൃത അധ്യാപക ഫെഡറേഷന് ചൂണ്ടിക്കാട്ടി.ഇതു കാരണം ഡിപ്പാര്ട്ട് മെന്റ് തലത്തില് സംസ്ഥാന സംസ്കൃതദിനാഘോഷവും ദേശീയ സംസ്കൃത സെമിനാറും അധ്യാപകര്ക്ക് സംസ്കൃത ദിനത്തോടനത്തോടനുബന്ധിച്ച് നടത്തിവരാറുള്ള വിവിധ സംസ്കൃത മത്സരങ്ങളും കഴിഞ്ഞവര്ഷം നടന്നിട്ടില്ല.
യോഗത്തില് സംസ്ഥാന പ്രസിഡണ്ട് സി.പി. സനല്ചന്ദ്രന് അധ്യക്ഷതവഹിച്ചു. സംസ്ഥാനജനറല് സെക്രട്ടറി സി.പി സുരേഷ് ബാബു, സി.സുരേഷ് കുമാര്, സി. റിജേഷ്, എസ്. ശ്രീജു എന്നിവര് സംസാരിച്ചു.
