കൊച്ചി: സിനിമാപ്രവര്‍ത്തകരില്‍നിന്ന് ലഹരി ഉപയോഗിക്കില്ലെന്ന സത്യവാംഗ്മൂലം എഴുതി വാങ്ങാന്‍ ഒരുങ്ങി നിര്‍മാതാക്കളുടെ സംഘടന. സിനിമ ചിത്രീകരണ സമയമോ അതുമായി ബന്ധപ്പെട്ട താമസിക്കുന്ന സ്ഥലങ്ങളിലോ ലഹരി ഉപയോഗിക്കില്ലെന്ന് എഴുതി നല്‍കണം.
നടീനടന്മാര്‍ ഉള്‍പ്പെടെ എല്ലാവര്‍ക്കും ഇത് ബാധകമാണെന്ന് സംഘടന അറിയിച്ചു. വേതന കരാറിനൊപ്പം ഈ സത്യവാംഗ്മൂലം കൂടി നിര്‍ബന്ധമാക്കാനാണ് നീക്കം. ലഹരി വിരുദ്ധ ദിനമായ ഈ മാസം 26 മുതല്‍ നിബന്ധന നടപ്പില്‍ വരുത്തുമെന്ന് നിര്‍മാതാക്കളുടെ സംഘടന അറിയിച്ചു.
സിനിമയുമായി ബന്ധപ്പെട്ട് ജോലി ചെയ്യുന്ന എല്ലാവരില്‍ നിന്നും ഈ സത്യവാംഗ്മൂലം എഴുതി വാങ്ങും.
