പാലക്കാട് : മണ്ണാര്ക്കാട് ഭര്തൃ പിതാവിനെ വെട്ടിപ്പരിക്കേല്പ്പിച്ച മരുമകളെ അറസ്റ്റ് ചെയ്തു. അമ്പലപ്പാറ കാപ്പുപറമ്പ് സ്വദേശി കളത്തുംപടിയന് വീട്ടില് ഷബ്നയെയാണ് പൊലീസ് പിടികൂടിയത്.
ഈ മാസം 18നാണ് കേസിന് ആധാരമായ സംഭവം നടന്നത്. സ്വത്തുതര്ക്കത്തെ തുടര്ന്നാണ് ഷബ്ന ഭര്തൃ പിതാവ് മുഹമ്മദാലിയെ ആക്രമിച്ചതെന്നാണ് വിവരം.ഷബ്നയുടെ ഭര്ത്താവ് വിദേശത്താണ്.
സ്വത്ത് ചോദിച്ചാണ് ഷബ്ന മുഹമ്മദാലിയുടെ വീട്ടിലെത്തുന്നത്. അവിടെ വച്ച് മുഹമ്മദാലിയുടെ മകളുമായി ഷബ്ന തര്ക്കിച്ചു. തുടര്ന്ന് സംഘര്ഷത്തിലേക്കെത്തി. പിന്നാലെ ഷബ്ന മുഹമ്മദാലിയെ ആക്രമിക്കുകയുമായിരുന്നു. മുഹമ്മദാലിക്ക് കൈയിലും മുതുകത്തും തലയ്ക്കും പരിക്കേറ്റു. മുഹമ്മദാലി ഇപ്പോഴും ചികിത്സയിലാണ്.
