തിരുവനന്തപുരം:ദേശീയ ദുരന്ത നിവാരണ അതോറിറ്റി, മിനിസ്ട്രി ഓഫ് യൂത്ത് അഫയേഴ്സ്സ് ആന്‍ഡ് സ്പോര്ട്സ്, സംസ്ഥാന ദുരന്ത നിവാരണ അതോറിറ്റി എന്നിവരുടെ ആഭിമുഖ്യത്തില്‍ പ്രകൃതി ദൂരന്തങ്ങളിലും മറ്റ് അടിയന്തര സാഹചര്യങ്ങളിലും പ്രവര്‍ത്തിക്കുന്നതിനായി ആപ്ദ മിത്ര പരിപാടിയുടെ ഭാഗമായി സിവില്‍ ഡിഫന്‍സ് ടീമിനെ തയാറാക്കുന്നു. താല്‍പര്യമുള്ള വോളണ്ടിയേഴ്‌സിന് ഏഴ് ദിവസത്തെ ദുരന്ത നിവാരണ പ്രതികരണ പരിശീലനം നല്‍കും. 18-40 വയസ് വരെയുള്ളവര്‍ക്ക് പരിശീലനത്തില്‍ പങ്കെടുക്കാം. തെരഞ്ഞെടുക്കപ്പെടുന്ന യുവതീയുവാക്കള്‍ക്ക് ഒരാഴ്ച നീളുന്ന റസിഡന്‍ഷ്യന്‍ ക്യാമ്പ് മാതൃകയില്‍ സൗജന്യ പരിശീലനം ആണ് സംഘടിപ്പിക്കുന്നത്. ആര്‍ട്‌സ് ആന്‍ഡ് സ്പോര്ട്സ് ക്ലബ്ബ് അംഗങ്ങള്‍, മേരാ യുവ ഭാരത്, എന്‍.എസ്.എസ്, എന്‍.സി.സി, റെഡ്ക്രോസ്, സനദ്ധസേന, ട്രോമ കെയര്‍, വിഭാഗങ്ങളിലെ മുന്‍ വോളണ്ടിയര്‍മാര്‍, സ്പോര്ട്സ് താരങ്ങള്‍ എന്നിവര്‍ക്ക് മുന്‍ഗണന ഉണ്ടായിരിക്കും. പരിശീലനം പൂര്‍ത്തിയാക്കുന്നവര്‍ക്ക് എമര്‍ജന്‍സി കിറ്റ്, യൂണിഫോം , ഐഡി കാര്‍ഡ്, സര്‍ട്ടിഫിക്കറ്റ്, മൂന്ന് വര്‍ഷത്തേക്കുള്ള ഇന്‍ഷുറന്‍സ് കവറേജ് എന്നിവ ലഭിക്കും. താല്‍പ്പര്യമുള്ളവര്‍ക്ക് ജില്ലാ മേരാ യുവ ഭാരത് ( നെഹ്റു യുവ കേന്ദ്ര ) ഓഫീസുമായി ബന്ധപ്പെടണം. ഫോണ്‍: 9074684599.
ദേശീയ ദുരന്ത നിവാരണ അതോറിറ്റി ആപ്ദ മിത്ര സിവില്‍ ഡിഫന്‍സ് ടീമിനെ സജ്ജരാക്കുന്നു
പുതിയ വാര്‍ത്തകള്‍
