ന്യൂദൽഹി : ബിജെപി, ആർഎസ്എസ് പ്രവർത്തകർക്ക് പ്രതിപക്ഷത്തെ ഭയമാണെന്ന് കോൺഗ്രസ് നേതാവ് രാഹുൽ ഗാന്ധി. മധ്യപ്രദേശിൽ മാദ്ധ്യമങ്ങളോട് സംസാരിക്കവേയായിരുന്നു രാഹുലിന്റെ അവകാശവാദം.
‘ ഇന്ന് രാജ്യത്ത് പ്രത്യയശാസ്ത്ര പോരാട്ടം നടക്കുകയാണ്. ഒരു വശത്ത് കോൺഗ്രസ് പാർട്ടിയും ഭരണഘടനയും, മറുവശത്ത് ഈ ഭരണഘടന നിർത്തലാക്കാൻ ആഗ്രഹിക്കുന്ന ബിജെപി-ആർഎസ്എസും. എന്ത് സംഭവിച്ചാലും ജാതി സെൻസസ് പാർലമെന്റ് പാസാക്കുമെന്ന് പാർലമെന്റ് ഹൗസിൽ ഞാൻ രാജ്യത്തിന് വാഗ്ദാനം ചെയ്തിരുന്നു. സാമൂഹിക നീതിക്കായുള്ള ഞങ്ങളുടെ പ്രമേയമാണിത്.
ബിജെപി, ആർഎസ്എസ് പ്രവർത്തകരെ എനിക്ക് നന്നായി അറിയാം . ഒന്ന് ഭയപ്പെടുത്തിയാൽ അവർ ഓടിപ്പോകും. പ്രതിപക്ഷത്തിന്റെ ശക്തിയുടെയും ഫലമാണിത്. ചെറിയ സമ്മർദ്ദമുണ്ടെങ്കിൽ ഈ ആളുകൾ കീഴടങ്ങുന്നു. കോൺഗ്രസ് പാർട്ടി കീഴടങ്ങില്ല. ഇന്ദിരാജി ‘ഞാൻ ചെയ്യേണ്ടത് ഞാൻ ചെയ്യും’ എന്ന് പറഞ്ഞിരുന്നു, ഇതാണ് വ്യത്യാസം. ഇതാണ് അവരുടെ സ്വഭാവം, ഭയക്കില്ല . അവരെല്ലാം ഇങ്ങനെയാണ്. സ്വാതന്ത്ര്യലബ്ധി മുതൽ കീഴടങ്ങൽ കത്തുകൾ എഴുതുന്ന ശീലം അവർക്കുണ്ട്‘ – രാഹുൽ പറഞ്ഞു.
