കോട്ടയം: കോട്ടയം മണര്‍കാട്ട് ബാറിനു സമീപം യുവാവിനെ കാറില്‍ മരിച്ച നിലയില്‍ കണ്ടെത്തി. മണര്‍കാട് ശങ്കരശേരില്‍ മാന്ത്രപ്പറമ്പില്‍ എം.വി മഹേഷിനെ (41) യാണ് കാറിനുള്ളില്‍ മരിച്ച നിലയില്‍ കണ്ടെത്തിയത്.ഇന്‍ഡസ് മോട്ടോഴ്‌സ് ജീവനക്കാരനാണ്.
പോലീസ് അസ്വാഭാവിക മരണത്തിന് കേസെടുത്തു.
മണര്‍കാട് കെ.കെ റോഡിലുള്ള ബാറിന്റെ പാര്‍ക്കിംഗ് ഏരിയയിലാണ് സംഭവം.
മദ്യപിച്ചശേഷം തിരിച്ച് കാറില്‍ കയറി ഇരിക്കുകയായിരുന്നുവെന്നറിയുന്നു. ഫോണ്‍ വിളിച്ചിട്ട് കിട്ടാഞ്ഞ് സഹപ്രവര്‍ത്തകര്‍ എത്തി നോക്കുമ്പോള്‍ അബോധാവസ്ഥയിലായിരുന്നു. വിവരം പോലീസാണ് കാറില്‍ നിന്നു പുറത്തെടുത്ത് ആശുപത്രിയില്‍ എത്തിച്ചത്. അതിനകം മരിച്ചിരുന്നു.
