ന്യൂഡൽഹി ; പ്രധാനമന്ത്രി നരേന്ദ്രമോദിയെ “ഫന്റാസ്റ്റിക്” നേതാവായി വിശേഷിപ്പിച്ച് അമേരിക്കൻ ശതകോടീശ്വരൻ എലോൺ മസ്കിന്റെ പിതാവ് എറോൾ മസ്ക് . അദ്ദേഹത്തിന്റെ നേതൃത്വത്തിൻ കീഴിൽ ഇന്ത്യ ‘വിശ്വഗുരു’ ആകാനുള്ള പടികൾ നിരന്തരം കയറിക്കൊണ്ടിരിക്കുന്നുവെന്നും എറോൾ മസ്ക് പറഞ്ഞു. നിലവിൽ ഇന്ത്യ സന്ദർശനത്തിലാണ് എറോൾ മസ്ക് .
ദേശീയ മാദ്ധ്യമത്തിനു നൽകിയ അഭിമുഖത്തിലാണ് മോദി സർക്കാരിനു കീഴിൽ ഇന്ത്യ ഉയർച്ചകൾ കീഴടക്കുന്നതായും, ലോകത്തിന് ഇന്ത്യയിൽ നിന്ന് പഠിക്കാൻ ധാരാളം കാര്യങ്ങൾ ഉണ്ടെന്നും എറോൾ മസ്ക് പറഞ്ഞു.ഇന്ത്യ ഇതിനകം ഒരു ലോകശക്തിയായി മാറിയിട്ടുണ്ടെന്നും അതിന്റെ വളരുന്ന ജിഡിപി അതിന്റെ ഉയർന്നുവരുന്ന നിലവാരത്തിന്റെ അടയാളമാണെന്നും അദ്ദേഹം പറഞ്ഞു.
“ഇന്ത്യ ഒരു ലോകശക്തിയാണ്. ലോകത്തിലെ നാലാമത്തെ വലിയ ജിഡിപി നിങ്ങൾക്കുണ്ടാകുമ്പോൾ, നിങ്ങൾ ഇഷ്ടപ്പെട്ടാലും ഇല്ലെങ്കിലും നിങ്ങൾ ഒരു ലോകശക്തിയാണ്. ഈ കാര്യങ്ങളിൽ ഇന്ത്യ വളരെ എളിമയുള്ള സമീപനമാണ് പുലർത്തുന്നത്. ലോകത്തിന് സംഭാവന ചെയ്യാൻ ഇന്ത്യയ്ക്ക് വളരെയധികം കാര്യമുണ്ട്.മോദി ഒരു മികച്ച നേതാവാണ്. നിലവിൽ ലോകത്തിലെ ഏറ്റവും മികച്ച നേതാക്കളിൽ ഒരാളാണ് അദ്ദേഹം. അദ്ദേഹത്തെ ടെലിവിഷനിൽ കാണുന്നത് എപ്പോഴും സന്തോഷകരമാണ്.”എറോൾ മസ്ക് പറഞ്ഞു.
