ന്യൂദല്‍ഹി: മെയ് 29 ന് പാകിസ്ഥാനോടു ചേര്‍ന്നുള്ള ഇന്ത്യന്‍ സംസ്ഥാനങ്ങളായ ഗുജറാത്ത്, പഞ്ചാബ്, രാജസ്ഥാന്‍, ജമ്മു കശ്മീര്‍ എന്നിവിടങ്ങളില്‍ സിവില്‍ ഡിഫന്‍സ് മോക്ക് ഡ്രില്‍ നടത്താന്‍ സിവില്‍ ഡിഫന്‍സ് ഡയറക്ടറേറ്റ് നിര്‍ദ്ദേശം പുറപ്പെടുവിച്ചു .
ഹരിയാന സര്‍ക്കാരും 29 ന് ‘ഓപ്പറേഷന്‍ ഷീല്‍ഡ് ‘ എന്ന പേരില്‍ സംസ്ഥാന വ്യാപകമായി സിവില്‍ ഡിഫന്‍സ് ഡ്രില്‍ നടത്തുന്നുണ്ട്.
പഹല്‍ഗാം ഭീകരാക്രമണത്തെത്തുടര്‍ന്ന് പാകിസ്ഥാനുമായുള്ള സംഘര്‍ഷം വര്‍ദ്ധിച്ച സാഹചര്യത്തില്‍, ഓപ്പറേഷന്‍ സിന്ദൂറിന് മണിക്കൂറുകള്‍ക്ക് മുമ്പ്, യുദ്ധസമാനമായ അടിയന്തര സാഹചര്യങ്ങള്‍ക്കുള്ള രാജ്യത്തിന്റെ തയ്യാറെടുപ്പ് എന്ന നിലയില്‍ മെയ് 7 ന് ആഭ്യന്തര മന്ത്രാലയത്തിന്റെ നേതൃത്വത്തില്‍ ‘ഓപ്പറേഷന്‍ അഭ്യാസ്’ എന്ന പേരില്‍ രാജ്യവ്യാപകമായി സിവില്‍ ഡിഫന്‍സ് മോക്ക് ഡ്രില്‍ നടത്തിയിരുന്നു.
