ആലപ്പുഴ: മീന് കയറ്റിവന്ന ടെമ്പോ ഇടിച്ച് യുവാവ് മരിച്ചു.സ്കൂട്ടര് യാത്രക്കാരന് സ്വകാര്യ ആശുപത്രിയിലെ ട്രയിനറായ രോഹിത് സജീവാണ് മരിച്ചത്. എടത്വാ ചങ്ങങ്കരി തുണ്ടിയില് സജീവന്റെ മകനാണ് രോഹിത് സജീവ്.
ചൊവ്വാഴ്ച രാവിലെ 8.30 ഓടെയാണ് അപകടമുണ്ടായത്. അമ്പലപ്പുഴ – തിരുവല്ല സംസ്ഥാന പാതയില് വെട്ടുതോട് എസ്എന്ഡിപി കുട്ടനാട് സൗത്ത് യൂണിയന് ഓഫീസിന് സമീപമായിരുന്നു അപകടം.
അമ്പലപ്പുഴയില് നിന്നും മീന് കയറ്റി വന്ന ടെമ്പോ മറ്റൊരു സ്കൂട്ടറിനെ മറികടക്കവെ നിയന്ത്രണം വിട്ട് രോഹിത് സഞ്ചരിച്ചിരുന്ന സ്കൂട്ടറില് ഇടിക്കുകയായിരുന്നു. ഇടിയുടെ ആഘാതത്തില് യുവാവിന്റെ തല തകര്ന്ന് തല്ക്ഷണം മരിച്ചു. മാതാവ് – പ്രീത . സഹോദരന്- കാര്ത്തിക്.
