തിരുവനന്തപുരം: പത്താം ക്ലാസിലെ 4.3 ലക്ഷം കുട്ടികള്ക്ക് റോബോട്ടിക്സ് സാങ്കേതികവിദ്യ പഠിക്കാനും അതില് പ്രായോഗിക പരീക്ഷണങ്ങള് നടത്താനും പുതിയ അധ്യയന വര്ഷം മുതല് അവസരം ലഭിക്കും.സംസ്ഥാനത്തെ ഹൈസ്കൂളുകളില് ഇതിനായി കൈറ്റ് വഴി 29,000 റോബോട്ടിക് കിറ്റുകളുടെ വിതരണം പൂര്ത്തിയാക്കി. പത്താം ക്ലാസിലെ പുതിയ ഐസിടി പാഠപുസ്തകം ഒന്നാം വാള്യത്തിലെ റോബോട്ടുകളുടെ ലോകം എന്ന ആറാം ആധ്യായത്തിലാണ് സര്ക്കീട്ട് നിര്മ്മാണം, സെന്സറുകളുടേയും ആക്ചുവേറ്ററുകളുടേയും ഉപയോഗം, കമ്പ്യൂട്ടര് പ്രോഗ്രാമിംഗ് വഴി ഇലക്ട്രോണിക് ഉപകരണങ്ങളെ നിയന്ത്രിക്കുക തുടങ്ങിയ പ്രവര്ത്തനങ്ങളിലൂടെ റോബോട്ടിക്സിന്റെ പുതിയ ആശയങ്ങളും ആശയമാതൃകകളും കണ്ടെത്താന് കുട്ടികള്ക്ക് അവസരം ലഭിക്കുന്നത്.
കഴിഞ്ഞ അക്കാദമിക വര്ഷം രാജ്യത്താദ്യമായി ഏഴാം ക്ലാസില് മുഴുവന് കുട്ടികള്ക്കും നിര്മ്മിത ബുദ്ധി പഠിക്കാന് ഐസിടി പാഠപുസ്തകത്തില് അവസരം നല്കിയിരുന്നു. ഇതിന്റെ തുടര്ച്ചയായി ഈ വര്ഷം പുതിയ 8, 9, 10 ക്ലാസിലെ ഐസിടി പാഠപുസ്തകങ്ങളിലും എഐ പഠനം ഉള്പ്പെടുത്തിയിട്ടുണ്ട്.
