രാജപാളം: രാജപാളയം പിഎസിഎം ഹയര്‍ സെക്കന്‍ഡറി സ്‌കൂളില്‍ നടന്ന 30-ാമത് അഖിലേന്ത്യാ ബാസ്‌കറ്റ്‌ബോള്‍ ടൂര്‍ണമെന്റില്‍ വനിതാ വിഭാഗത്തില്‍ കെ.എസ്.ഇ.ബി തിരുവന്തപുരം ജേതാക്കളായി. ചെന്നൈ സെക്ഷന്‍ ഇന്‍കം ടാക്‌സിനെ 69-55ന് പരാജയപ്പെടുത്തിയാണ് ജേതാക്കളായത്.
ടൂര്‍ണമെന്റിലെ മികച്ച താരമായി തിരഞ്ഞെടുക്കപ്പെട്ട കെഎസ്ഇബിയിലെ കവിത ജോസ് 29 പോയിന്റുകള്‍ നേടി ഇബിയുടെ ടോപ് സ്‌കോററും. ഇന്‍കം ടാക്‌സിന് വേണ്ടി അന്താരാഷ്‌ട്ര താരവും മലയാളിയായ അനു മരിയ 12 പോയിന്റുകള്‍ നേടി. കെഎസ്ഇബി വനിതകള്‍ ഈ മാസം നേടുന്ന രണ്ടാം കിരീടമാണിത്. തമിഴ്നാട് അരന്താങ്കിയില്‍ നടന്ന ബാസ്‌കറ്റ്‌ബോള്‍ വനിതാ ടൂര്‍ണമെന്റില്‍ നോര്‍ത്ത് ഈസ്റ്റേണ്‍ റെയില്‍വേ ഖോരക്പൂറിനെ 55-40ന് തോല്‍പ്പിച്ച് ജേതാക്കളായിരുന്നു.
