തലശ്ശേരി: തലശ്ശേരിയിലെ മുനിസിപ്പല്‍ സ്റ്റേഡിയം ഇന്‍ഡോര്‍ കോര്‍ട്ടില്‍ നടന്ന 66-ാമത് കേരള സംസ്ഥാന സ്‌കൂള്‍ ഗെയിംസ് ബാസ്‌ക്കറ്റ്‌ബോള്‍ ജൂനിയര്‍ ആണ്‍കുട്ടികളുടെ (അണ്ടര്‍17) സ്വര്‍ണം തൃശൂര്‍ സ്വന്തമാക്കി. ഫൈനലില്‍ കോഴിക്കോടിനെ (63-23) തോല്‍പ്പിച്ചുകൊണ്ടായിരുന്നു സ്വര്‍ണനേട്ടം.
മൂന്നാം സ്ഥാനത്തിനുള്ള മത്സരത്തില്‍ കോട്ടയം ആലപ്പുഴയെ (62-61) പരാജയപ്പെടുത്തി വെങ്കലം നേടി. രാവിലെ നടന്ന സെമി ഫൈനല്‍ മത്സരങ്ങളില്‍ തൃശൂര്‍ കോട്ടയത്തെ (48-26) തോല്‍പിച്ചപ്പോള്‍ കോഴിക്കോട് ആലപ്പുഴയെ (70-60) പരാജയപ്പെടുത്തി ഫൈനലിലെത്തുകയായിരുന്നു.
