ശ്രീകാര്യം കേന്ദ്ര കിഴങ്ങ് ഗവേഷണ കേന്ദ്രം ജന്മഭൂമി പവലിയനില് വിവിധയിനം കിഴങ്ങ് വര്ഗങ്ങള് പ്രദര്ശിപ്പിച്ച് വിശദീകരിക്കുന്നു.
തിരുവനന്തപുരം: പുതിയ മൂന്നിനം കൂവക്കിഴങ്ങുകള്… ആദ്യ, നക്ഷത്ര, കാര്ത്തി. കൗതുകങ്ങളുടെ കലവറയാവുകയാണ് ശ്രീകാര്യം കേന്ദ്ര കിഴങ്ങ് ഗവേഷണ കേന്ദ്രം പവലിയന്. മരച്ചീനിയുടെ 11 ഇനങ്ങള്. മധുരക്കിഴങ്ങില് 21 എണ്ണ. പത്ത് വീതം ഇനങ്ങളില് കാച്ചിലും ചേമ്പും, അഞ്ചിനം ആഫ്രിക്കന് കാച്ചില്. രണ്ടിനം ചേനയും നനകിഴങ്ങും കൂര്ക്കയും…. മിക്സ്ചര്, ചിപ്സ്, സ്വീറ്റ് െ്രെഫ, ന്യൂഡില്സ്, പാസ്ത, ഡൈമണ്, സ്റ്റാര്ച്ച് ന്യൂഡില്സ്, ചൗവ്വരി കിഴങ്ങുകളില് നിന്ന് രുചികരമായ വിഭവങ്ങള് വേറെയും. മരച്ചീനി ഇലയിലെ സൈനഡ് വേര്തിരിച്ച് കീടനാശിനി. മരച്ചീനിക്കമ്പ് അരച്ച് മിശ്രിതമാക്കി പ്ലൈവുഡ്… കൗതുകങ്ങള് അനവധിയാണ്.
മണ്ണിന്റെ ഘടന മനസിലാക്കാന് ഡിജിറ്റല് സാങ്കേതികവിദ്യ വിപുലീകരിച്ച് ലോകശ്രദ്ധയാകര്ഷിച്ചിട്ടുണ്ട് ഗവേഷണ കേന്ദ്രം. പേുരയിടത്തിലെ മണ്ണില് വളം, വെള്ളം, എന്നിവയുടെ കുറവ് മനസിലാക്കാനും കാലാവസ്ഥാ വ്യതിയാനം അറിയാനുമായി പ്രിന്സിപ്പല് ഗവേഷകന് ഡോ. സന്തോഷ്മിത്ര വികസിപ്പിച്ചെടുത്ത ഇ ക്രോപ്പ് ആപ്പ് മിഷ്യനും എക്സിബിഷന്റെ ഭാഗമാണ്.
1963 ജൂലൈയില് തിരുവനന്തപുരത്ത് സ്ഥാപിതമായതാണ് ഐസിഎആര്സിടിസിആര്ഐ. രാജ്യത്തിന്റെ ഭക്ഷ്യപോഷകാഹാര സുരക്ഷയും ഗ്രാമീണ ജനതയുടെ ഉപജീവനമാര്ഗം മെച്ചപ്പെടുത്തലും ഉറപ്പാക്കുന്നതിന് സുസ്ഥിര കൃഷി സമ്പ്രദായ ഘടകങ്ങളായി വേരുവിളകളെയും കിഴങ്ങുവര്ഗങ്ങളെയും സംയോജിപ്പിക്കുക എന്നതാണ് ഈ സ്ഥാപനത്തിന്റ ലക്ഷ്യം.
