കൊച്ചി : സംവിധായകരില് നിന്ന് ഹൈബ്രിഡ് കഞ്ചാവ് പിടികൂടിയ സംഭവത്തില് സംവിധായകന് സമീര് താഹിറിനെ എക്സൈസ് ചോദ്യം ചെയ്യുന്നു.കച്ചേരിപ്പടിയിലെ എക്സൈസ് ഓഫീസിലാണ് സമീര് താഹിര് ഹാജരായത്.
സമീര് താഹിറിന്റെ ഉടമസ്ഥതയിലുള്ള ഫ്ലാറ്റില് നിന്നായിരുന്നു സംവിധായകരായ ഖാലിദ് റഹ്മാനും അഷ്റഫ് ഹംസയും ഹൈബ്രിഡ് കഞ്ചാവുമായി പിടിയിലായത്. ഈ സാഹചര്യത്തിലാണ് സമീര് താഹിറിന് എക്സൈസ് സംഘം ചോദ്യം ചെയ്യലിന് ഹാജരാകണമെന്നാവശ്യപ്പെട്ട് നോട്ടീസ് നല്കിയത്.
ഹൈബ്രിഡ് കഞ്ചാവുമായി സംവിധായകരായ ഖാലിദ് റഹ്മാന്, അഷ്റഫ് ഹംസ എന്നിവരുള്പ്പെടെ മൂന്ന് പേരാണ് നേരത്തേ അറസ്റ്റിലായത്. രഹസ്യ വിവര പ്രകാരം അര്ധരാത്രി എക്സൈസ് നടത്തിയ പരിശോധനയിലാണ് 1.6 ഗ്രാം ഹൈബ്രിഡ് കഞ്ചാവ് ഇവരില് നിന്ന് പിടികൂടിയത്. കുറഞ്ഞ തോതിലാണ് കഞ്ചാവ് പിടികൂടിയത് എന്നതിനാല് അറസ്റ്റിന് ശേഷം ഇവരെ സ്റ്റേഷന് ജാമ്യത്തില് വിട്ടയക്കുകയായിരുന്നു.
