ടിവി അവതാരകയായ രഞ്ജിനി ഹരിദാസിന് കഴിഞ്ഞ ദിവസമായിരുന്നു 43-ാം പിറന്നാള്‍. 43 വയസിൽ അവിവാഹിതയായി തുടരുന്ന രഞ്ജിനി പക്ഷെ ഇക്കുറി സന്തോഷവതിയാണ്. അതിന് കാരണമുണ്ട്. കഴിഞ്ഞ 43 വര്‍ഷമായി മനസ്സില്‍ താലോലിച്ച സ്വപ്നം യാഥാര്‍ത്ഥ്യമായതായാണ് രഞ്ജിനി ഹരിദാസ് അറിയിച്ചിരിക്കുകയാണ്.
ഇതോടെ എന്താണ് രഞ്ജിനിക്ക് 43ാം വയസ്സില്‍ സഫലമാക്കാന്‍ സാധിച്ച ആ സ്വപ്നം എന്ന് നിരവധിപേര്‍ ആകാംക്ഷയോടെ ഉറ്റുനോക്കിയത്. . സംഗതി മറ്റൊന്നുമല്ല. സ്വന്തമായി ഒരു വെബ്സൈറ്റ് എന്ന സ്വപ്നം തന്റെ 43ാം വയസ്സില്‍ യാഥാര്‍ത്ഥ്യമാക്കിയെന്നാണ് രഞ്ജിനി ഹരിദാസ് പറഞ്ഞിരിക്കുന്നത്.
ഇതോടെയാണ് സോഷ്യല്‍ മീഡിയയില്‍ വിവിധ കമന്‍റുകള്‍ എത്തിയത്. കൃത്രിമബുദ്ധി അരങ്ങുവാഴുന്ന ഇക്കാലത്ത് ഒരു വെബ്സൈറ്റ് ഉണ്ടാക്കുന്നത് ആനക്കാര്യമാണോ എന്നായിരുന്നു പലരും ഉര്‍ത്തിയ ചോദ്യം.
