തിരുവനന്തപുരം: അട്ടകുളങ്ങരയിലെ ഭക്ഷണശാലയിൽനിന്ന് ഷവർമ കഴിച്ചവർക്ക് ഭക്ഷ്യവിഷബാധയേറ്റു. 30 ഓളം പേർ വിവിധ ആശുപത്രിയില് ചികിത്സ തേടി. കഴിഞ്ഞ ദിവസം അട്ടക്കുളങ്ങരയിലെ ഹോട്ടലില് നിന്നും ഷവര്മ്മ കഴിഞ്ഞവര്ക്കാണ് പിന്നീട് വയറിന് വേദനയും ഛര്ദ്ദിയും വയറിളക്കവും അനുഭവപ്പെട്ടത്.
ഇതേ തുടര്ന്ന് ആരോഗ്യ പ്രവര്ത്തകര് ഈ ഹോട്ടലില് മിന്നല് പരിശോധന നടത്തി. ഭക്ഷ്യവിഷബാധ സ്ഥിരീകരിച്ചു. ശുചിത്വക്കുറവും അസംസ്കൃത വസ്തുക്കളില് പ്രശ്നങ്ങളും കണ്ടെത്തി. ഈ ഹോട്ടല് അടപ്പിച്ചു.
ഇവിടുത്തെ ചിക്കനും മയൊണൈസും പരിശോധനയ്ക്ക് അയച്ചു. ഇതിന്റെ ഫലം ലഭിച്ചാലേ കൂടുതല് എന്തെങ്കിലും പറയാന് സാധിക്കൂ. മയൊണൈസായിരിക്കും വില്ലനെന്ന് കരുതുന്നു. കരമന, മണക്കാട്, ആനയറ പ്രദേശങ്ങളിലെ സ്വകാര്യ ആശുപത്രിയിലാണ് ഇവരെ പ്രവേശിപ്പിച്ചത്.
