പാലക്കാട്: വടക്കഞ്ചേരിയില്‍ വീട്ടില്‍ വന്‍ കവര്‍ച്ച. വീട്ടിലെ ലോക്കര്‍ തകര്‍ത്ത് 45 പവന്‍ സ്വര്‍ണം കവര്‍ന്നു.
വടക്കഞ്ചേരി പന്നിയങ്കര ശങ്കരന്‍ കണ്ണന്‍ തോട് പ്രസാദിന്റെ വീട്ടിലാണ് മോഷണം നടന്നത്. വെള്ളിയാഴ്ച രാവിലെയാണ് മോഷണ വിവരം അറിയുന്നത്.
വ്യാഴാഴ്ച രാത്രിയാണ് മോഷണം നടന്നത്. വീട്ടിലെ മുകള്‍ നിലയില്‍ ലോക്കറില്‍ സൂക്ഷിച്ച ആഭരണമാണ് കവര്‍ന്നത്.
മോഷ്ടാവിന്റെ സിസിടിവി ദൃശ്യങ്ങള്‍ ലഭിച്ചു. ദൃശ്യങ്ങളില്‍ കളളന്റെ മുഖം വ്യക്തമല്ല.. സിസിടിവി ദൃശ്യങ്ങളുള്‍പ്പെടെ പരിശോധിച്ചാണ് പൊലീസ് അന്വേഷണം.
പ്രതികരിക്കാൻ ഇവിടെ എഴുതുക: