ലക്നൗ : ലോകം മുഴുവൻ സനാതന ധർമ്മത്തിന്റെ പ്രത്യയശാസ്ത്രം സ്വീകരിച്ച് കാവി വസ്ത്രം ധരിക്കുന്ന ഒരു ദിവസം വരുമെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ് . ദേശീയ മാദ്ധ്യമം സംഘടിപ്പിച്ച പരിപാടിയിൽ പങ്കെടുക്കുകയായിരുന്നു യോഗി.
“ കാവി ധരിക്കുന്നത് സനാതന പാരമ്പര്യമാണ് . ആരൊക്കെ എന്നെക്കുറിച്ച് എന്ത് കരുതിയാലും, ഞാൻ കാവി ധരിച്ചിട്ടുണ്ട്. ഇതാണ് സനാതന്റെ അഭിമാനം, ഒരു ദിവസം ലോകം മുഴുവൻ ഈ കാവി വസ്ത്രം ധരിക്കും. ഇത് നമ്മുടെ ശാശ്വത പാരമ്പര്യത്തിന്റെ സ്വത്വം കൂടിയാണ്.
ഞാൻ ഒരു യോഗിയാണ്. എല്ലാ മതങ്ങളെയും വിഭാഗങ്ങളെയും ആരാധനാ രീതികളെയും ഞാൻ ബഹുമാനിക്കുന്നു. നിങ്ങൾ എപ്പോഴെങ്കിലും ഗോരഖ്നാഥ് പീഠം സന്ദർശിക്കുകയാണെങ്കിൽ, എല്ലാ വിഭാഗത്തിലും, മതത്തിലും, ജാതിയിലും പെട്ട ആളുകൾ നിരനിരയായി ഇരുന്ന് അവിടെ പ്രസാദം കഴിക്കുന്നത് നിങ്ങൾക്ക് കാണാൻ കഴിയും. വിവേചനമില്ല. വിദേശ ആക്രമണകാരികളെ മഹത്വവൽക്കരിക്കുന്നത് നിർത്തുക, അല്ലെങ്കിൽ സാംബാൽ പോലുള്ള സത്യങ്ങൾ പുറത്തുവരുമ്പോൾ, നിങ്ങൾക്ക് മുഖം കാണിക്കാൻ മറ്റാരുമില്ലാതായി മാറും ‘- യോഗി ആദിത്യനാഥ് പറഞ്ഞു.
