മൊറാദാബാദ് : പണം നൽകാമെന്ന് പ്രലോഭിപിപ്പിച്ച് ക്രിസ്ത്യൻ മിഷനറിമാർ മതം മാറ്റിയ 32 ഓളം പേർ ഹിന്ദുമതത്തിലേയ്ക്ക് മടങ്ങിയെത്തി .മൊറാദാബാദ് ജില്ലയിലെ കുന്ദർക്കി ഫർഹേദി ഗ്രാമത്തിലാണ് സംഭവം .
ഗ്രാമത്തിലെ ചില ഹിന്ദു വിശ്വാസികളെ പ്രലോഭിപ്പിച്ച് ക്രിസ്തുമതത്തിലേക്ക് മതപരിവർത്തനം നടത്തിയതായി റിപ്പോർട്ടുകൾ വന്നിരുന്നു. ഇതിന്റെ വീഡിയോ വൈറലായതോടെയാണ് സംഭവം വാർത്തകളിൽ ഇടം നേടിയത്. തുടർന്ന് ആർ.എസ്.എസ്, ബിജെപി ഭാരവാഹികൾ ഗ്രാമത്തിൽ ഒരു പഞ്ചായത്ത് വിളിച്ചു ചേർത്തു. ഇതിലാണ് തങ്ങളെ പണം നൽകാമെന്ന് പറഞ്ഞ് പ്രലോഭിപ്പിച്ചാണ് മതം മാറ്റിയതെന്ന് ഇവർ പറഞ്ഞത് . ഇവരുടെ ആവശ്യപ്രകാരം ഗ്രാമത്തിലെ ശിവക്ഷേത്രത്തിൽ മതം മാറ്റ ചടങ്ങുകൾ നടത്തുകയായിരുന്നു.
മിഷനറിമാരുടെ മതപരിവർത്തനം സംബന്ധിച്ച് പോലീസിന് പരാതി ലഭിച്ചതായി മൊറാദാബാദ് റൂറൽ എസ്പി കുൻവർ ആകാശ് സിംഗ് പറഞ്ഞു.
