ന്യൂദൽഹി : ലോകത്തിലെ ഏറ്റവും വലിയ സനാതന സംഗമമായ മഹാകുംഭമേളയിലൂടെ ഇന്ത്യയ്‌ക്ക് മാർച്ച് മാസത്തോടെ ലഭിക്കുക 4 ട്രില്യൺ ഡോളറിന്റെ നേട്ടം . മഹാകുംഭമേള വഴി സമ്പദ്‌വ്യവസ്ഥ 7.6% വളർച്ച കൈവരിക്കും. 2024-25 സാമ്പത്തിക വർഷത്തിൽ 6.5% വളർച്ചാ നിരക്ക് കൈവരിക്കാനും സഹായിക്കുമെന്ന് മുഖ്യ സാമ്പത്തിക ഉപദേഷ്ടാവ് വി. അനന്ത നാഗേശ്വരൻ പറഞ്ഞു. 2025 സാമ്പത്തിക വർഷത്തിൽ സമ്പദ്‌വ്യവസ്ഥ 4 ട്രില്യൺ ഡോളറിലെത്തും.
വെള്ളിയാഴ്ച പുറത്തിറക്കിയ ഔദ്യോഗിക കണക്കുകൾ പ്രകാരം, മൂന്നാം പാദത്തിലെ ഇന്ത്യയുടെ ജിഡിപി വളർച്ച 6.2% ആയി രേഖപ്പെടുത്തി, ഇത് 2025 സാമ്പത്തിക വർഷത്തിലെ രണ്ടാം പാദത്തിലെ 5.6% വളർച്ചയുമായി താരതമ്യപ്പെടുത്തുമ്പോൾ ഗണ്യമായ പുരോഗതിയാണ് കാണിക്കുന്നത്.
കുംഭമേളയ്‌ക്ക് പ്രയാഗ്‌രാജിന്റെ അടിസ്ഥാന സൗകര്യങ്ങൾ ഒരുക്കാനായി സംസ്ഥാന സർക്കാർ 7,500 കോടി രൂപ നിക്ഷേപിച്ചു. പകരമായി സമ്പദ്‌വ്യവസ്ഥ 3.5 ലക്ഷം കോടി രൂപയുടെ അഭൂതപൂർവമായ ഉയർച്ച കൈവരിച്ചുവെന്ന് മുഖ്യമന്ത്രി യോഗി ആദിത്യനാഥ് പറഞ്ഞു.
