കോഴിക്കോട്: പിതാവ് ആശുപത്രിയില് കഴിഞ്ഞതിന്റെ ബില് അടയ്ക്കാന് കഴിയാതെ ബുദ്ധിമുട്ടിയ പെണ്കുട്ടിക്ക് സഹായ വാഗ്ദാനം നല്കി പീഡനശ്രമം നടത്തിയെന്ന് പരാതിയില് പൊലീസ് കേസെടുത്തു.മലപ്പുറം സ്വദേശി വാഖിയത് കോയക്കെതിരെയാണ് പരാതി.
പരാതിയില് നടക്കാവ് പൊലീസ് പെണ്കുട്ടിയുടെ മൊഴിയെടുത്തു.ഭാരതീയ ന്യായ സംഹിത 75,78 വകുപ്പ് പ്രകാരം കേസ് രജിസ്റ്റര് ചെയ്തു.
ശസ്ത്രക്രിയ കഴിഞ്ഞ് ബില് അടയ്ക്കാന് കഴിയാതെ കോഴിക്കോട് സ്വകാര്യ ആശുപത്രിയില് തുടരുകയായിരുന്നു പെണ്കുട്ടിയുടെ പിതാവ്. ഒന്നര ലക്ഷം രൂപ ബില് അടയ്ക്കാനുണ്ടായിരുന്നു. വാടക വീട്ടില് താമസിക്കുന്ന കുടുംബത്തിന് പണം കണ്ടെത്താന് കഴിയാത്തതിനാല് ഡിസ്ചാര്ജ് ആയി 20 ദിവസമായിട്ടും ആശുപത്രിയില്നിന്നു പോകാന് സാധിച്ചില്ല. ഇതോടെ പെണ്കുട്ടി സഹായം അഭ്യര്ഥിച്ച് ഒരു വിഡിയോ സമൂഹ മാധ്യമത്തില് പോസ്റ്റ് ചെയ്തു. ഈ വിഡിയോ കണ്ടാണ് വാഖിയത്ത് കോയ ആശുപത്രിയില് എത്തിയത്.
വാഖിയത്ത് കോയ പെണ്കുട്ടിയുടെ ശരീരത്തില് കടന്ന് പിടിച്ചെന്നും പരാതിയുണ്ട്. പ്രതിയുടെ അശ്ലീല ശബ്ദ സന്ദേശവും പുറത്ത് വന്നിട്ടുണ്ട്.
