പാലക്കാട്: ഒറ്റപ്പാലത്ത് സഹപാഠി പ്ലസ്ടൂ വിദ്യാര്‍ഥിയെ കുത്തിപരിക്കേല്‍പ്പിച്ചു. വരോട് സ്വദേശി അഫ്‌സലിന് വാരിയെല്ലിനാണ് പരിക്കേറ്റത്. പരിക്ക് ഗുരുതരമല്ല.
പതിനേഴുകാരനാണ് ആക്രമണം നടത്തിയത്. ആക്രമണത്തിനിടെ പരിക്കേറ്റതിനെ തുടര്‍ന്ന് അഫ്‌സലിനൊപ്പം സഹപാഠിയെയും ഒറ്റപ്പാലത്തെ താലൂക്ക് ആശുപത്രിയില്‍ പ്രവേശിപ്പിച്ചു. വ്യക്തിവൈരാഗ്യമാണ് ആക്രമണത്തിന് പിന്നിലെന്ന് പൊലീസ് അറിയിച്ചു.
കഴിഞ്ഞ ദിവസം ഇരുവരും തമ്മില്‍ തര്‍ക്കമുണ്ടായിരുന്നു. ഇതാണ് ഇന്നത്തെ ആക്രമണത്തിന് കാരണമെന്നാണ് സൂചന. പൊലീസ് ഇരുവരുടെയും മൊഴി രേഖപ്പെടുത്തി.
