ഇന്ഡോര്: കസിന്റെ വിവാഹത്തോടനുബന്ധിച്ചുള്ള മഞ്ഞള്ക്കല്യാണത്തില് (ഹല്ദി ആഘോഷം) സ്റ്റേജില് നൃത്തം ചെയ്തുകൊണ്ടിരിക്കെ, ഹൃദയാഘാതത്താല് കുഴഞ്ഞുവീണ് യുവതി മരിച്ചു. 23 വയസ്സുകാരി പരിണിത ജെയിനിനാണ് അന്ത്യം സംഭവിച്ചത്. മധ്യപ്രദേശിലെ ഇന്ഡോറിലാണ് ഈ സംഭവം.
പരിണിത ജെയിന് നൃത്തം ചെയ്യുന്നതിനിടയില് കുഴഞ്ഞുവീണ് മരിക്കുന്ന വീഡിയോ ഇപ്പോള് സമൂഹമാധ്യമങ്ങളില് വൈറലാണ്. സ്റ്റേജില് കുഴഞ്ഞുവീണയുടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
SHOCKING NEWS 🚨
Lady passes away while dancing due to Heart Attack in MP's Vidisha.pic.twitter.com/rlyggU9K7C— News Algebra (@NewsAlgebraIND) February 9, 2025
‘ലെഹറ കെ ബല്ഖാ കെ’ എന്ന ബോളിവുഡ് ഗാനത്തിന് ചുവടുവെയ്ക്കുകയായിരുന്നു പരിണിത ജെയിന്. ഇന്ഡൊറിനെ വിദിഷ എന്ന സ്ഥലത്താണ് വിവാഹച്ചടങ്ങിനോട് അനുബന്ധിച്ചുള്ള ഹല്ദി ആഘോഷം നടന്നത്. ഇന്ഡൊറിലെ ടുകൊഗഞ്ചില് മാതാപിതാക്കളോടൊത്ത് താമസിക്കുന്ന പരിണിത ജെയിന് എംബിഎക്കാരിയാണ്.
