ന്യൂദല്ഹി :നിര്മ്മല സീതാരാമന്റെ ബജറ്റില് പ്രതിപക്ഷപാര്ട്ടികള് നടത്തുന്ന പ്രധാന വിമര്ശനം ബീഹാറിനെ കൂടുതല് സഹായിച്ചു എന്നതാണ്. എന്നാല് ജമ്മു കശ്മീരിന് അനുവദിച്ച 41000 കോടിരൂപയെക്കുറിച്ച് പ്രതിപക്ഷം കണ്ടതായി ഭാവിക്കുന്നില്ല.
ഇതില് ജമ്മു കശ്മീര് പൊലീസിന് 9325 കോടി രൂപ നല്കും. ഭരണച്ചെലവിനുള്ളതാണ് ഇതില് വലിയൊരു തുക. ദുരന്ത നിവാരണത്തിന് 279 കോടിയും മൂലധനച്ചെലവിനുള്ള പിന്തുണ എന്ന നിലയില് 101 കോടി രൂപ നല്കും.
കഴിഞ്ഞ ബജറ്റില് വകയിരുത്തിയതിനേക്കാള് 6000 കോടി രൂപയില് അധികമാണ് ഇക്കുറി നല്കുന്നതെന്ന് ധനമന്ത്രി പറഞ്ഞു.
