കോട്ടയ്ക്കല്: ഉദ്ഗ്രഥിത വൈദ്യവിജ്ഞാനത്തിന് ലോകത്ത് വമ്പിച്ചസാധ്യതകളുണ്ടെന്നും ആയുര്വേദം ഉള്പ്പെടെയുള്ള വിജ്ഞാനശാഖകള് മാറുന്ന കാലത്തിന്റെ ഭാഷകള് സ്വാംശീകരിക്കണമെന്നും നെതര്ലന്ഡ്സിലെ മുന് ഭാരത അംബാസിഡര് പ്രൊഫ. വേണു രാജാമണി.
കോട്ടയ്ക്കല് ആര്യവൈദ്യശാല സ്ഥാപകദിനാഘോഷം ഉദ്ഘാടനം ചെയ്യുകയായിരുന്നു അദ്ദേഹം. ആര്യവൈദ്യശാല മാനേജിങ് ട്രസ്റ്റിയും ചീഫ് ഫിസിഷ്യനുമായ ഡോ. പി.എം. വാരിയര് അധ്യക്ഷത വഹിച്ചു. ഭാരതീയ വീദ്യാഭവന് കൊച്ചികേന്ദ്രം ചെയര്മാന് വേണുഗോപാല് സി. ഗോവിന്ദ് ‘ഇന്ത്യ എന്ന ആരോഗ്യക്ഷേമരാഷ്ട്രം-ലക്ഷ്യവും മാര്ഗവും’ എന്ന വിഷയത്തെ ആസ്പദമാക്കി പി.എസ്. വാരിയര് സ്മാരക പ്രഭാഷണം നിര്വഹിച്ചു.
സാഹിത്യനിരൂപകനും നാടകകൃത്തുമായ ഇ.പി. രാജഗോപാലന്, ആര്യവൈദ്യശാല ചീഫ് എക്സിക്യുട്ടീവ് ഓഫീസര് കെ. ഹരികുമാര്, ട്രസ്റ്റിയും അഡീ. ചീഫ് ഫിസിഷ്യനുമായ ഡോ. കെ. മുരളീധരന് തുടങ്ങിയവര് സംസാരിച്ചു.
