കൊച്ചി: ബ്യൂട്ടിപാര്‍ലര്‍ ഉടമ ഷീല സണ്ണിയെ വ്യാജ ലഹരിമരുന്നുകേസില്‍ പെടുത്തിയ സംഭവത്തില്‍ പ്രതികള്‍ക്ക് അര്‍ഹമായ ശിക്ഷ ഉറപ്പാക്കണമെന്ന് ഹൈക്കോടതി. വിഷലിപ്തമായ പ്രവൃത്തിയാണ് പ്രതികളുടെ ഭാഗത്തുനിന്ന് ഉണ്ടായതെന്ന് കോടതി ചൂണ്ടിക്കാട്ടി. ഏഴു ദിവസത്തിനകം മുഖ്യപ്രതി നാരായണ ദാസ് കീഴടങ്ങണമെന്നും കോടതി ഉത്തരവിട്ടു. കള്ളക്കേസുകളുടെ കാര്യത്തില്‍ നിലവിലുള്ള ശിക്ഷ പര്യാപ്തമാണോ എന്ന് പാര്‍ലമെന്റ് പരിശോധിക്കണമെന്നും ഇക്കാര്യം കേന്ദ്ര സര്‍ക്കാരിനെ അറിയിക്കാനും കോടതി നിര്‍ദേശിച്ചു.
ഷീല സണ്ണിയുടെ സ്‌കൂട്ടറില്‍ വ്യാജ എല്‍എസ്ഡി സ്റ്റാമ്പുകള്‍ ഒളിപ്പിച്ചതും എക്‌സൈസിന് വിവരം നല്‍കിയതും ഷീലയുടെ ബന്ധുവായ പെണ്‍കുട്ടിയുടെ നിര്‍ദേശപ്രകാരം നാരായണദാസാണെന്ന് അന്വേഷണസംഘം കണ്ടെത്തിയിരുന്നു. അറസ്റ്റിലായ ഷീലയെ 72 ദിവസമാണ് ജയിലില്‍ അടച്ചത്.
മൂന്നു മാസത്തിനകം അന്വേഷണവും കുറ്റപത്രം സമര്‍പ്പിച്ച് നാലു മാസത്തിനകം വിചാരണയും പൂര്‍ത്തിയാക്കണമെന്ന് കോടതി നിര്‍ദേശിച്ചു.
ഷീല സണ്ണിയെ കുടുക്കിയ വ്യാജ ലഹരികേസില്‍ നാലു മാസത്തിനകം വിചാരണ പൂര്‍ത്തിയാക്കണം: ഹൈക്കോടതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: