തിരുവനന്തപുരം:സംസ്ഥാന സ്കൂള് കലോത്സവത്തിന് വിവിധ വേദികളെ ബന്ധിപ്പിച്ച് സര്വീസ് നടത്തുന്നത് കെ എസ് ആര് ടി സിയുടെ പത്ത് ഇലക്ട്രിക്ക് ബസുകള്.രാവിലെ എട്ട് മണി മുതല് രാത്രി ഒമ്പത് മണി വരെയാണ് സൗജന്യ സര്വീസ് കെഎസ്ആര്ടിസി നടത്തുന്നത്.
വേദികളില് നിന്നും പുത്തരിക്കണ്ടം മൈതാനത്തെ ഭക്ഷണ കേന്ദ്രത്തിലേക്കാണ് പ്രധാനമായും ബസ് സര്വീസുളളത്.നെയ്യാറ്റിന്കര എം എല് എ കെ.ആന്സലന്റെ നേതൃത്വത്തില് ട്രാന്സ്പോര്ട്ടേഷന് കമ്മിറ്റിയാണ് ഈ ഇലക്ട്രിക്ക് ബസുകളുടെ പ്രവര്ത്തനങ്ങള് ക്രമീകരിച്ചിട്ടുളളത്. കെ എസ് ആര് ടി സി സര്വീസുകള്ക്ക് പുറമെ ജില്ലയിലെ സ്കൂള് ബസുകളും കലോത്സവത്തിനായി സജ്ജമാക്കിയിട്ടുണ്ട്.
മുന് വര്ഷങ്ങളില് വിദ്യാര്ത്ഥികള്ക്കും അധ്യാപകര്ക്കും മാത്രമായിരുന്ന ബസ് സര്വീസുകളില് ഇത്തവണ പരിശീലകര്ക്കും കാണികള്ക്കും സൗജന്യമായി യാത്ര ചെയ്യാം.
