പത്തനംതിട്ട: കാനനപാത വഴി കാല്‍നടയായി വരുന്ന അയ്യപ്പഭക്തര്‍ക്ക് മുക്കുഴിയില്‍ വച്ച് പ്രത്യേക പാസ് നല്‍കുന്നത് താല്‍ക്കാലികമായി നിര്‍ത്തി. പമ്പ വഴി വെര്‍ച്വല്‍ ക്യൂ ആയും സ്‌പോട്ട് ബുക്കിംഗ് ആയും വരുന്ന അയ്യപ്പഭക്തര്‍ ദര്‍ശനം കിട്ടാതെ മണിക്കൂറുകള്‍ കാത്തുനില്‍ക്കേണ്ടി വരുന്നത് ഒഴിവാക്കുന്നതിനാണ് നടപടിയെന്ന് തിരുവിതാംകൂര്‍ ദേവസ്വം ബോര്‍ഡ് അറിയിച്ചു.
5000 പേര്‍ക്ക് പ്രത്യേക പാസ് നല്‍കാനായിരുന്നു നേരത്തെ ധാരണ ുണ്ടായിരുന്നത്.. എന്നാല്‍ കാനനപാത വഴി വരുന്ന അയ്യപ്പഭക്തരുടെ എണ്ണം അഞ്ചിരട്ടിയായി ഏറി.
ഈ സാഹചര്യത്തിലാണ് സ്‌പെഷ്യല്‍ പാസിന് നിയന്ത്രണം കൊണ്ടു വന്നത്.. ഇനി ഒരു അറിയിപ്പ് ഉണ്ടാകുന്നതുവരെ പ്രത്യേക പാസ് നല്‍കേണ്ടെന്നാണ് തീരുമാനം.
