കോട്ടയം: സിപിഎം നേതാവ് എംഎം മണിയെ കേരളത്തിലുടനീളം പാര്ട്ടി സമ്മേളനങ്ങളില് പ്രസംഗിക്കാന് വിളിക്കണം!.നാവിന് എല്ലില്ലാത്ത വിധമുള്ള ഇദ്ദേഹത്തിന്റെ പ്രസംഗം മാത്രം മതി ജനങ്ങളെ വെറുപ്പിക്കാനും അടുത്ത തെരഞ്ഞെടുപ്പോടെ സിപിഎമ്മിനെ പൂട്ടിക്കെട്ടിക്കാനും എന്നാണ് സോഷ്യല് മീഡിയയുടെ ട്രോള്. ഏറ്റവും ഒടുവില് അടി തിരിച്ചടി പ്രസംഗവുമായാണ് മണിയാശാന്റെ ഇടുക്കി പര്യടനം.തല്ലു കൊണ്ടിട്ട് വീട്ടില് പോകുന്നതല്ല, തിരിച്ചു തല്ലുന്നതാണ് സിപിഎംനയം എന്നാണ് അദ്ദേഹത്തിന്റെ പ്രഖ്യാപനം. അടിച്ചാല് കേസൊക്കെ വരും. അതിനു നല്ല വക്കീലിനെ വച്ചാല് മതിയാകുമെന്നും ഇതൊക്കെ ചെയ്തിട്ടാണ് താന് ഇവിടെ വരെ എത്തിയതൊന്നും മണി നെടുങ്കണ്ടത്തും ആവര്ത്തിച്ചു.കുറെ പേരെ താനും തല്ലിയിട്ടുണ്ടെന്നും അദ്ദേഹം വെളിപ്പെടുത്തി.കഴിഞ്ഞദിവസം ശാന്തന്പാറയിലും ഇതേ ആശയമാണ് പാര്ട്ടിയിലെ യുവാക്കള്ക്ക് മണി നല്കിയത്.
ഏതായാലും മണിയുടെ ആഹ്വാനം ശിരസാവഹിച്ച് പാര്ട്ടി അണികള് അടിയുമായി ഇറങ്ങിയാല് ഇപ്പോള് തന്നെ ഒരു പരുവമായ പാര്ട്ടി അടുത്ത തെരഞ്ഞെടുപ്പ് ആകുമ്പോഴേക്കും ഊര്ദ്ധന് വലിച്ചോളും. പാര്ട്ടിയില് ക്രിമിനല്വല്ക്കരണം പ്രോത്സാഹിപ്പിക്കുകയും പൊതുസമൂഹത്തില് ക്രമസമാധാന പ്രശ്നം ഉണ്ടാക്കുകയും ചെയ്യുന്ന മണിയുടെ പ്രസംഗം പണ്ടും വിവാദമായിട്ടുണ്ട്.പ്രസംഗത്തിലെ അശ്ലീല, മസാല പ്രയോഗങ്ങള്ക്ക് പേരുകേട്ട എംഎം മണി , ‘ വണ് ടൂ ത്രീ ‘ പ്രസംഗത്തില് കോടതി കയറിയതാണ്. മണിയുടെ പുതിയ പ്രസംഗത്തില് കേസെടുക്കണമെന്ന് കോണ്ഗ്രസ് ആവശ്യമുന്നയിച്ചിട്ടുണ്ട്.
