ബെംഗളൂരു: സംവിധായകന് രഞ്ജിത്തിനെതിരായ അസ്വാഭാവിക ലൈംഗിക പീഡന കേസിലെ തുടര്നടപടി കോടതി സ്റ്റേ ചെയ്തു. കോഴിക്കോട് സ്വദേശി യുവാവ് നല്കിയ പരാതിയില് കേസ് തീര്പ്പാവുന്നത് വരെ തുടര്നടപടി പാടില്ലെന്നാണ് കോടതി ഉത്തരവ്.
കേസ് റദ്ദാക്കണം എന്നാവശ്യപ്പെട്ട് രഞ്ജിത്ത് നല്കിയ ഹര്ജിയിലാണ് ജസ്റ്റിസ് എം നാഗപ്രസന്നയുടെ ബഞ്ച് ഇടക്കാല ഉത്തരവ് പുറപ്പെടുവിച്ചത്.
അസ്വാഭാവിക ലൈംഗിക പീഡനം, ഐടി ആക്റ്റ് പ്രകാരം സ്വകാര്യത ഹനിക്കല് എന്നീ വകുപ്പുകളാണ് രഞ്ജിത്തിനെതിരെ ചുമത്തിയിരുന്നത്. ബാവുട്ടിയുടെ നാമത്തില് എന്ന സിനിമ ചിത്രീകരണത്തിനിടെ 2012 ല് പരിചയപ്പെട്ട യുവാവിനെ ബെംഗളൂരുവിലെ പഞ്ചനക്ഷത്ര ഹോട്ടലില് വിളിച്ച് വരുത്തി രഞ്ജിത്ത് അസ്വാഭാവിക ലൈംഗിക പീഡനത്തിന് ഇരയാക്കിയെന്നാണ് കേസ്. ചിത്രങ്ങള് പകര്ത്തിയെന്ന കുറ്റവുമുണ്ട്.
കോഴിക്കോട് കസബ പൊലീസാണ് ഇതില് ആദ്യം കേസ് രജിസ്റ്റര് ചെയ്തത്. എന്നാല് ബംഗളൂരുവിലാണ് സംഭവം നടന്നതെന്ന മൊഴിയുടെ അടിസ്ഥാനത്തില് കേസ് കര്ണാടക പൊലീസിന് കൈമാറുകയായിരുന്നു.
