ഹിറ്റുകള്‍ നിറയെ സമ്മാനിച്ചിട്ടും സൂപ്പര്‍താര പദവിയിലേക്ക് ഉയരാന്‍ ഉണ്ണി മുകുന്ദന് സാധിച്ചിട്ടില്ല. അതിനുള്ള ശ്രമമാണ് വയലന്സിന്റെ പുതിയ മുഖമായി എത്തുന്ന മാര്‍ക്കോയിലൂടെ ഉണ്ണി മുകുന്ദന് ശ്രമിക്കുന്നത്. മാളികപ്പുറം എന്ന ശബരിമലയുമായി ബന്ധപ്പെട്ട ചിത്രവും സ്വയം നിര്‍മ്മിക്കുകയും നായകനായി അഭിനയിക്കുകയും ചെയ്ത ജയ് ഗണേഷും സാമ്പത്തിക വിജയം നേടിയെങ്കിലും ഉണ്ണി മുകുന്ദന് കൊതിയ്‌ക്കുന്ന സൂപ്പര്‍ താരപദവി കൊണ്ടുവരാന്‍ ആ സിനിമകള്‍ക്ക് സാധിച്ചില്ല.
മാര്‍ക്കോ ഡിസംബര്‍ 20ന് തിയേറ്ററുകളിലെത്തും. 18 വയസ്സ് തികഞ്ഞവര‍്ക്ക് മാത്രം കാണാന്‍ കഴിയുന്ന നിറയെ വയലന്‍സുള്ള സിനിമയാണ് മാര്‍ക്കോ. . ഇതുവരെ പുറത്തുവിട്ട പോസ്റ്ററുകളും ടീസറും സോങ്ങുമെല്ലാം ആരാധകര്‍ ഏറ്റെടുത്തുകഴിഞ്ഞു. പാട്ടുകള്‍ പ്രേക്ഷകര്‍ ഏറ്റെടുത്താല്‍ സാധാരണ ആ ചിത്രം ബോക്സോഫീസില്‍ പൊട്ടാറില്ല. ആക്ഷന്‍ രംഗങ്ങള്‍ക്ക് പ്രാധാന്യം നല്‍കി ഒരുങ്ങുന്ന ചിത്രത്തിലെ ഫൈറ്റും വയലന്‍സും ഉണ്ണി മുകുന്ദനെ മലയാളിയുടെ സൂപ്പര്‍ സ്റ്റാറാക്കി മാറ്റുമെന്ന പ്രതീക്ഷയാണുള്ളത്.
പ്രമുഖ ആക്ഷന്‍ ഡയറക്ടര്‍ കലൈ കിംഗ്‌സണാണ് ചിത്രത്തിന്റെ ആക്ഷന്‍ കോറിയോഗ്രാഫര്‍. എ സര്‍ട്ടിഫിക്കറ്റൊടെ പ്രദര്‍ശനത്തിനെത്തുന്ന ചിത്രത്തിലൂടെ ഉണ്ണി മുകുന്ദന്റെ മാസ് വരവിനായ് കാത്തിരിക്കുകയാണ് മലയാളികള്‍. ക്യൂബ്‌സ് എന്‍റര്‍ടൈന്‍മെന്‍റ്സ് ആദ്യമായി നിര്‍മിക്കുന്ന ചിത്രമാണിത്. ‘മാര്‍ക്കോ’യുടെ നിര്‍മാണത്തിലൂടെ മലയാളത്തിലെ ഏറ്റവും പ്രായം കുറഞ്ഞ പ്രൊഡ്യൂസര്‍ എന്ന പദവിയാണ് ഷെരീഫ് സ്വന്തമാക്കിരിക്കുന്നത്.
മലയാളത്തിലെ ഏറ്റവും വലിയ വയലന്‍സ് ചിത്രം എന്ന ലേബലോടെ എത്തുന്ന ചിത്രത്തിന് ‘കെജിഎഫ്’, ‘സലാര്‍’ എന്നീ ബ്രഹ്‌മാണ്ഡ ചിത്രങ്ങളുടെ സംഗീത സംവിധായകന്‍ രവി ബസ്രൂരാണ് സംഗീതം പകരുന്നത്.
ജഗദീഷ്, ആന്‍സണ്‍ പോള്‍, കബീര്‍ ദുഹാന്‍സിംഗ് (ടര്‍ബോ ഫെയിം), സിദ്ദീഖ്, അഭിമന്യു തിലകന്‍, മാത്യു വര്‍ഗീസ്, അര്‍ജുന്‍ നന്ദകുമാര്‍, ബീറ്റോ ഡേവിസ്, ദിനേശ് പ്രഭാകര്‍, ശ്രീജിത്ത് രവി, ലിഷോയ്, ബാഷിദ് ബഷീര്‍, ജിയാ ഇറാനി, സനീഷ് നമ്പ്യാര്‍, ഷാജി ഷാഹിദ്, ഇഷാന്‍ ഷൗക്കത്, അജിത് കോശി, യുക്തി തരേജ, ദുര്‍വാ താക്കര്‍, സജിത ശ്രീജിത്ത്, പ്രവദ മേനോന്‍, സ്വാതി ത്യാഗി, സോണിയ ഗിരി, മീര നായര്‍, ബിന്ദു സജീവ്, ചിത്ര പ്രസാദ് തുടങ്ങി നിരവധി താരങ്ങളും ഈ ബിഗ് ബജറ്റ് ചിത്രത്തില്‍ അണിനിരക്കുന്നുണ്ട്.
എക്‌സിക്യൂറിറ്റിവ് പ്രൊഡ്യൂസര്‍: ജുമാനാ ഷെരീഫ്, ഗാനരചന: വിനായക് ശശികുമാര്‍, ഛായാഗ്രഹണം: ചന്ദ്രു സെല്‍വരാജ്, ചിത്രസംയോജനം: ഷമീര്‍ മുഹമ്മദ്, പ്രൊഡക്ഷന്‍ കണ്‍ട്രോളര്‍: ദീപക് പരമേശ്വരന്‍, കലാസംവിധാനം: സുനില്‍ ദാസ്, മേക്കപ്പ്: സുധി സുരേന്ദ്രന്‍, കോസ്റ്റ്യും ഡിസൈന്‍: ധന്യാ ബാലകൃഷ്ണന്‍, ചീഫ് അസ്സോസ്സിയേറ്റ് ഡയറക്ടര്‍: സ്യമന്തക് പ്രദീപ്, പ്രൊഡക്ഷന്‍ എക്‌സിക്യുട്ടീവ്: ബിനു മണമ്പൂര്‍, ഓഡിയോഗ്രഫി: എം.ആര്‍. രാജകൃഷ്ണന്‍, സൗണ്ട് ഡിസൈന്‍: കിഷന്‍, പ്രൊമോഷന്‍ കണ്‍സല്‍ട്ടന്റ്: വിപിന്‍ കുമാര്‍ ടെന്‍ ജി മീഡിയ, വി എഫ് എക്‌സ്: 3 ഡോര്‍സ്, സ്റ്റീല്‍സ്: നന്ദു ഗോപാലകൃഷ്ണന്‍.
