മട്ടന്നൂര്‍: കണ്ണൂര്‍ വിമാനത്താവളം ആറാം വാര്‍ഷികം ഡിസംബര്‍ 9 ന് നടക്കും. വാര്‍ഷികത്തിന്റെ ഭാഗമായി വ്യത്യസ്തമായ റൂട്ടുകളിലെ അന്താരാഷ്‌ട്ര യാത്രകള്‍ക്ക് വന്‍ ഇളവുകള്‍ പ്രഖ്യാപിച്ച് എയര്‍ ഇന്ത്യ എക്‌സ്പ്രസ്സ്. കണ്ണൂരില്‍ നിന്നും ദമാം, അബുദാബി, ദോഹ, റിയാദ്, ബഹ്റിന്‍, കുവൈറ്റ്, റാസല്‍ഖൈമ, മസ്‌ക്കറ്റ്, ഷാര്‍ജ എന്നിവിടങ്ങളിലേക്കുള്ള യാത്രക്ക് അടിസ്ഥാന യാത്രാനിരക്കില്‍ 15ശതമാനം ഇളവ് പ്രഖ്യാപിച്ചു.
നവംബര്‍ 26 മുതല്‍ ഡിസംബര്‍ 9 വരെ ടിക്കറ്റ് ബുക്ക് ചെയ്യുന്ന യാത്രക്കാര്‍ക്കാണ് ഈ ഇളവ് ലഭിക്കുക. മേല്‍പറഞ്ഞ രാജ്യങ്ങളിലേക്കുള്ള നേരിട്ടുള്ള യാത്രക്കും മറ്റ് രാജ്യങ്ങള്‍ വഴിയുളള കണക്ഷന്‍ യാത്രക്കും ഇളവ് ലഭിക്കും. യാത്രാനിരക്ക് കുറക്കാന്‍ കണ്ണൂര്‍ എയര്‍ പോര്‍ട്ട് മാനേജ്മെന്റ് നിരന്തരം സമ്മര്‍ദ്ദം ചെലുത്തിയതിന്റെ ഫലമാണ് ഈ ഇളവ് എയര്‍ ഇന്ത്യ എകസ്പ്രസ്സ് പ്രഖ്യാപിച്ചിരിക്കുന്നത്. കണ്ണൂര്‍ എയര്‍പോര്‍ട്ടിന്റെ ആറാം വാര്‍ഷികം വര്‍ണ്ണാഭമായ കലാ-കായിക മത്സരങ്ങളോടെ ആഘോഷിക്കും.
