ആലപ്പുഴ: ആർഎസ്എസ് പ്രവർത്തകന് പോപ്പുലർ ഫ്രണ്ട് ഭീകരന്റെ വധഭീഷണി. ആലപ്പുഴ മണ്ണഞ്ചേരി പൊന്നാട് സ്വദേശി ശ്രീനാഥിനാണ് ഭീഷണി. രൺ‌ജിത് ശ്രീനിവാസൻ വധക്കേസിൽ ജാമ്യത്തിൽ ഹാരിഫും ഇയാളുടെ കൂട്ടാളിയും ചേർന്നാണ് വധഭീഷണി മുഴക്കിയത്.
ഈ മാസം 18 ന് ശ്രീനാഥ് ജോലി ചെയ്യുന്ന സ്ഥലത്ത് എത്തി ഇവർ തടഞ്ഞു നിർത്തിയാണ് ഭീഷണിപ്പെടുത്തിയത്. ആർഎസ്എസ് പ്രവർത്തകനായ പ്രസാദ് പൊന്നാടിനെയും ശ്രീനാഥിനെയും കൊല്ലുമെന്നായിരുന്നു ഭീഷണി.
എസ്ഡിപിഐ, പിഎഫ്ഐ ഭീകരർ വീടു കയറി തന്നെ ആക്രമിക്കുകയും കള്ളക്കേസിൽ കുടുക്കുകയും ചെയ്തതായി ശ്രീനാഥ് പറയുന്നു.അതുകൊണ്ട് തന്നെ ശ്രീനാഥ് ഏറെ നാളായി വീട്ടിൽ നിന്നും മാറി നിൽക്കുകയായിരുന്നു. ഈ സംഭവത്തിന് പിന്നാലെയാണ് ശ്രീനാഥ് ജില്ല വിട്ട് മറ്റൊരിടത്ത് ജോലിക്കായി പോയത്. മാതാപിതാക്കൾക്ക് സുഖമില്ലാതായതോടെയാണ് ശ്രീനാഥ് വീട്ടിലെത്തിയത്. സംഭവത്തിൽ ശ്രീനാഥ് മണ്ണഞ്ചേരി പൊലീസിൽ പരാതി നൽകിയിട്ടുണ്ട്.
