കൊച്ചി: മുതിര്‍ന്ന ഐഎഎസ് ഉദ്യോഗസ്ഥനെ വിമര്‍ശിച്ച് നടപടി നേരിട്ടതിന് പിന്നാലെ വീണ്ടും തുറന്ന് പറച്ചിലുമായി കൃഷിവകുപ്പ് മുന്‍ സ്‌പെഷ്യല്‍ സെക്രട്ടറി എന്‍. പ്രശാന്ത്. അഡീഷണല്‍ ചീഫ് സെക്രട്ടറി എ. ജയതിലകിന് തന്നോട് പകയുണ്ട എന്നാണ് പ്രശാന്തിന്റെ ആരോപണം.
പകയ്ക്ക് കാരണം പ്രഫഷണല്‍ ഈഗോയാണ് . തനിക്ക് ഫയല്‍ തരാതിരിക്കാന്‍ നോട്ട് ഇറക്കി. ഈ സാഹചര്യത്തിലാണ് ചീഫ് സെക്രട്ടറിയെ സമീപിച്ചതെന്നും പ്രശാന്ത് പറഞ്ഞു.
തന്റെ രണ്ടു മാസത്തെ ശമ്പളം ജയതിലക് ഇടപെട്ട് മുടക്കി.ചീഫ് സെക്രട്ടറിയെ സമീപിച്ചപ്പോഴാണ് പിന്നീട് ശമ്പളം ലഭിച്ചത്.മുന്‍ മന്ത്രിയും സിപിഎം നേതാവുമായ മേഴ്‌സിക്കുട്ടിയമ്മയോട് ബഹുമാനമാണുളളത്.മേഴ്‌സിക്കുട്ടിയമ്മയ്‌ക്ക് തന്നെക്കുറിച്ചുളളത് തെറ്റിദ്ധാരണകളാണ്. ഫെയ്‌സ്ബുക്കിലെ തന്റെ കമന്റ് തെറ്റായി വ്യാഖ്യാനിച്ചു. ഇക്കാര്യം മേഴ്‌സിക്കുട്ടിയമ്മയെ ബോധ്യപ്പെടുത്തണമെന്നുണ്ടെന്നും പ്രശാന്ത് പറഞ്ഞു.
തനിക്ക് മറ്റ് താത്പര്യങ്ങളില്ലെന്നും പ്രഫഷന്‍ ശ്രദ്ധിച്ച് പോകണമെന്നാണുളളതെന്നും പ്രശാന്ത് പറഞ്ഞു.
