കൊച്ചി: എറണാകുളം ജില്ലയില്‍ ഭൂമി തരം മാറ്റലുമായി ബന്ധപ്പെട്ട് ഏഴു താലൂക്കുകളിലായി നടത്തിയ അദാലത്തില്‍ ആകെ 9486 അപേക്ഷകളില്‍ തീര്‍പ്പാക്കി. സംസ്ഥാനത്ത് ഏറ്റവും കൂടുതല്‍ അപേക്ഷകള്‍ തീര്‍പ്പാക്കിയത് കണയന്നൂര്‍ താലൂക്കില്‍ ആണ്. അദാലത്ത് ദിനത്തില്‍ ലഭിച്ച 103 അപേക്ഷകള്‍ ഉള്‍പ്പെടെ ഇവിടെ മാത്രം 2606 അപേക്ഷകള്‍ തീര്‍പ്പാക്കി.ഏഴ് താലൂക്കുകളിലായി നവംബര്‍ ഏഴ് മുതല്‍ 15 വരെ നടന്ന താലൂക്ക് തല അദാലത്തുകളില്‍ മുവാറ്റുപുഴ താലൂക്കില്‍ 1143, കോതമംഗലം 636, കൊച്ചി 868, കുന്നത്തുനാട് 1292, ആലുവ 1357, പറവൂര്‍ 1584, കണയന്നൂര്‍ 2606 വീതം ലഭിച്ച അപേക്ഷകള്‍ തീര്‍പ്പാക്കി.
ശേഷിക്കുന്ന അപേക്ഷകള്‍ വേഗത്തില്‍ തീര്‍പ്പാ ക്കുന്നതിനു വേണ്ട നടപടികള്‍ സ്വീകരിക്കാന്‍ ബന്ധപ്പെട്ട ഉദ്യോഗസ്ഥര്‍ക്ക് ജില്ലാ കളക്ടര്‍ നിര്‍ദേശം നല്‍കി.
