തൊടുപുഴ : തൊടുപുഴ കോലാനിയിൽ ബൈക്കും ഇലക്ട്രിക് സ്കൂട്ടറും കൂട്ടിയിടിച്ച് മൂന്നുപേർക്ക് പരിക്കേറ്റു. ബുധനാഴ്ച വൈകിട്ട് അഞ്ചരയോടെ ആയിരുന്നു സംഭവം.
ബജാജ് ഡോമിനർ ബൈക്കും, ഇലക്ട്രിക് സ്കൂട്ടറുമാണ് കൂട്ടിയിടിച്ചത്. സ്കൂട്ടർ യാത്രക്കാരിയും ജിഎസ്ടി വകുപ്പിലെ ജീവനക്കാരിയുമായ പുറപ്പുഴ സ്വദേശിനി കെ എസ് ഗീത, ബൈക്ക് യാത്രക്കാരായ കാഞ്ഞിരമറ്റം സ്വദേശി ആരോമൽ, മങ്ങാട്ടുകവല സ്വദേശി ആബേൽ ടോണി എന്നിവർക്കുമാണ് പരിക്കേറ്റത്.
പരിക്കേറ്റ എല്ലാവരേയും തൊടുപുഴ അഗ്നിരക്ഷാ സേനയുടെ ആംബുലൻസിൽ ചാഴിക്കാട്ട് ആശുപത്രിയിൽ എത്തിച്ചു. അപകടത്തിൽ ഇലക്ട്രിക് സ്കൂട്ടർ പൂർണമായും തകർന്നു.
