മുംബൈ: എന്‍സിപി നേതാവ് ബാബ സിദ്ദിഖിനെ കൊലപ്പെടുത്തിയ കേസില്‍ രണ്ട് പേരെ കൂടി മുംബൈ ക്രൈംബ്രാഞ്ച് അറസ്റ്റ് ചെയ്തു . അറസ്റ്റിലായ ആദിത്യ ഗുഡങ്കര്‍, റഫീഖ് ഷെയ്ഖ് എന്നിവരെ എസ്പ്ലനേഡ് കോടതി 13 വരെ പോലീസ് കസ്റ്റഡിയില്‍ വിട്ടു. പൂനെയില്‍ നിന്നാണ് ഇവരെ അറസ്റ്റ് ചെയ്തത്. ഇതുവരെ 18 പേരെ അറസ്റ്റ് ചെയ്തിട്ടുണ്ട്.
ഗൗരവ് വിലാസ് അപുനെ (32) എന്ന ഒരു പ്രതിയെ ബുധനാഴ്ച അറസ്റ്റ് ചെയ്തിരുന്നു.
അന്വേഷണത്തില്‍, കൊലപാതകം ആസൂത്രണം ചെയ്യാന്‍ അപുനെ മറ്റ് പ്രതികളുമായി കൂടിക്കാഴ്ച നടത്തിയതായും സിദ്ദിഖിനെ കൊല്ലാന്‍ ആദ്യം നിയോഗിച്ച ഷൂട്ടര്‍ സംഘവുമായി ബന്ധപ്പെട്ടിരുന്നതായും ഉദ്യോഗസ്ഥര്‍ കണ്ടെത്തി.
