ആദ്യദിനം നീന്തലില്‍ അഞ്ച് റിക്കാര്‍ഡുകള്‍; തലയെടുപ്പോടെ തലസ്ഥാനജില്ല

തിരുവനന്തപുരം: സംസ്ഥാന സ്‌കൂള്‍ കായികമേളയ്‌ക്ക് തുടക്കമാകുമ്പോള്‍ ആദ്യദിനത്തില്‍ അഞ്ച് റിക്കാര്‍ഡ് പിറന്നത് നീന്തല്‍കുളത്തില്‍ നിന്ന്. മത്സരങ്ങള്‍ തുടങ്ങുമ്പോള്‍ തന്നെ രണ്ടാം സ്ഥാനക്കാരെക്കാള്‍ ബഹുദൂരം മുന്നിലായിരുന്ന തിരുവനന്തപുരം ഇന്നലെയും തകര്‍പ്പന്‍ മുന്നേറ്റമാണ് കാഴ്‌ച്ചവച്ചത്. നീന്തലില്‍ തിരുവനന്തപുരത്തിന്റെ ആധിപത്യമായിരുന്നു. അക്വാട്ടിക്‌സ്, ഗെയിംസ് മത്സരയിനങ്ങളാണ് ആദ്യ ദിനം നടന്നത്. അക്വാട്ടിക്‌സില്‍ 24 മത്സരങ്ങളും ഗെയിംസില്‍ 28 മത്സരങ്ങളും പൂര്‍ത്തിയായി. സവിശേഷ പരിഗണന അര്‍ഹിക്കുന്നവര്‍ക്കുള്ള മത്സരയിനങ്ങളും ഇന്നലെ പൂര്‍ത്തിയായി.

ഗെയിംസ് ഇനങ്ങളില്‍ 280 മത്സരങ്ങള്‍ പൂര്‍ത്തിയായപ്പോള്‍ 687 പോയിന്റുകളുമായാണ് തിരുവനന്തപുരം ജില്ല മുന്നിട്ടുനില്‍ക്കുന്നത്. 79 സ്വര്‍ണ്ണവും 62 വെള്ളിയും 66 വെങ്കലവുമാണ് ജില്ല നേടിയത്. 40 സ്വര്‍ണവും 27 വെള്ളിയും 40 വെങ്കലവുമായി 373 പോയിന്റോടെ തൃശ്ശൂര്‍ രണ്ടാം സ്ഥാനത്തും 41 സ്വര്‍ണവും 27 വെള്ളിയും 40 വെങ്കലവുമായി 349 പോയിന്റോടെ കണ്ണൂര്‍ ജില്ല മൂന്നാം സ്ഥാനത്തുമാണ്.

കായികമേളയുടെ ആവേശമായ അത്‌ല്റ്റിക്‌സ് മത്സരങ്ങള്‍ക്ക് നാളെ മഹാരാജാസ് കോളജ് ഗ്രൗണ്ടില്‍ തുടക്കമാകും.

കോതമംഗലം എംഎ കോളജില്‍ നടന്ന 400 മീറ്റര്‍ ഫ്രീസ്‌റ്റൈലിലാണ് മേളയിലെ ആദ്യ റെക്കോഡ് പിറന്നത്. തിരുവനന്തപുരം എം വി എച്ച് എസ് എസിലെ മോന്‍ഗം തീര്‍ത്ഥു സാംദേവാണ് ഒളിംപിക്‌സ് മാതൃകയില്‍ നടത്തുന്ന ആദ്യ സ്‌കൂള്‍ കായിക മേളയുടെ ചരിത്ര തീരത്തേക്ക് നീന്തിക്കയറിയത്. 2023 ലെ സ്വന്തം റെക്കോഡായ 4.19.76 മിനിറ്റാണ് മോ9ഗം തിരുത്തിക്കുറിച്ചത്. 4.16.25 ആണ് മോന്‍ഗത്തിന്റെ പുതിയ വേഗം. തുടര്‍ന്ന് സീനിയ4 ആണ്‍കുട്ടികളുടെ 100 മീറ്റര്‍ ബാക്ക്‌സ്‌ട്രോക്ക് വിഭാഗത്തില്‍ തുണ്ടത്തില്‍ എംവിഎച്ച്എസിലെ എസ്. അഭിനവ്, 200 മീറ്റര്‍ ബ്രെസ്റ്റ് സ്‌ട്രോക്ക് സബ് ജൂനിയര്‍ ഗേള്‍സ് വിഭാഗത്തില്‍ വെഞ്ഞാറമൂട് ഗവ.എച്ച് എസ് എസിലെ ആര്‍.ബി. ഭാഗ്യകൃഷ്ണ, ജൂനിയര്‍ പെണ്‍കുട്ടികളുടെ 100 മീറ്റര്‍ ബാക്ക് സ്ട്രോക്കില്‍ പ്രൊവിഡ9സ് ഹയര്‍ സെക്കന്‍ഡറി സ്‌കൂളിലെ കെ. ദേവിക, 200 മീറ്റര്‍ ബ്രീസ്റ്റ് സ്‌ട്രോക്ക് ജൂനിയര്‍ ഗേള്‍സ് വിഭാഗത്തില്‍ തുണ്ടത്തില്‍ എം വി എച്ച് എസിലെ നടകുടിതി പവനി സരയു എന്നിവരും അക്വാട്ടിക് മത്സരയിനങ്ങളുടെ ആദ്യദിനത്തില്‍ റെക്കോഡ് നേട്ടം കൈവരിച്ചു.

എറണാകുളം ടൗണ്‍ഹാളില്‍ നടന്ന ഫെന്‍സിംഗ് സീനിയര്‍ വിമന്‍ എപ്പി വിഭാഗത്തില്‍ വിജയിച്ചത് കോമണ്‍വെല്‍ത്ത് ഗെയിംസില്‍ ഇന്ത്യയുടെ മെഡല്‍ ജേതാക്കളായ നിവേദിയ നായരും റീബ ബെന്നിയുമാണ്.

സ്‌കൂളുകളില്‍ 73 പോയിന്റുകളുമായി തിരുവനന്തപുരം സെന്റ് ജോസഫ് എച്ച്എസ്എസ് ആണ് മുന്നില്‍ 52 പോയിന്റുകളുമായി വട്ടിയൂ4ക്കാവ് ഗവ. വിഎച്ച്എസ്എസ് രണ്ടാം സ്ഥാനത്തും 43 പോയിന്റുകളുമായി കോട്ടണ്‍ഹില്‍ ഗവ. ഗേള്‍സ് എച്ച്എസ്എസ് മൂന്നാം സ്ഥാനത്താണ്.