കോഴിക്കോട് :25 കോടി രൂപ വാഗ്ദാനം ചെയ്ത പ്രണബ് മുഖര്‍ജിയുടെ ദൂതര്‍ ആരായിരുന്നുവെന്ന് വെളിപ്പെടുത്തണമെന്ന് പ്രണബിന്റെ മകള്‍ ശര്‍മിള മുഖര്‍ജി ആവശ്യപ്പെട്ടു. ഒന്നാം യുപിഎ സര്‍ക്കാരിനെ പിന്തുണയ്‌ക്കാന്‍ പ്രണബ് മുഖര്‍ജി ദൂതന്‍ വഴി തനിക്ക് 25 കോടി രൂപ വാഗ്ദാനം ചെയ്തുവെന്ന് മുന്‍ എംപി സെബാസ്റ്റ്യന്‍ പോള്‍ വെളിപ്പെടുത്തിയിരുന്നു. പ്രണബ് മുഖര്‍ജി ജീവിച്ചിരുന്നപ്പോള്‍ സെബാസ്റ്റ്യന്‍ പോള്‍ പറയാത്ത കാര്യമാണിത്. ഇത്രയും വലിയ ആരോപണം ഉന്നയിച്ച സെബാസ്റ്റ്യന്‍ പോളിന് അത് തെളിയിക്കാനുള്ള ബാധ്യതയുണ്ട.് ഒന്നാം യുപിഎ സര്‍ക്കാരിന് ഇടതുപക്ഷം പിന്തുണ പിന്‍വലിച്ചാല്‍ സര്‍ക്കാരിന്റെ വിശ്വാസപ്രമേയത്തെ അനുകൂലിച്ചു വോട്ട് ചെയ്യാന്‍ ഇടതു സ്വതന്ത്രനായ തനിക്ക് രണ്ടു ദൂതര്‍ വഴി 25 കോടി രൂപ വാഗ്ദാനം ചെയ്തു എന്നായിരുന്നു വെളിപ്പെടുത്തല്‍. സ്വതന്ത്ര എംപി ആയതിനാല്‍ കൂറുമാറ്റ നിരോധന നിയമം ബാധകമാകില്ലെന്നും അവര്‍ പറഞ്ഞു. ഒളിക്യാമറ ഓപ്പറേഷന്‍ ആകുമെന്ന് ആദ്യം കരുതിയെങ്കിലും പിന്നീട് വയലാര്‍ രവി അതു സ്ഥിരീകരിച്ചുവെന്നുമായിരുന്നു സെബാസ്റ്റിയന്‍ പോള്‍ പറഞ്ഞിരുന്നു.
