മൂന്നാം തലമുറ ഹോണ്ട അമേസിന്റെ ടീസർ ചിത്രം പുറത്തിറക്കി ഹോണ്ട കാർസ്; അത്യാധുനിക സാങ്കേതികവിദ്യയോടെ ഓൾ-ന്യൂ അമേസ്

ന്യൂദൽഹി: മുൻനിര പ്രീമിയം കാർ നിർമ്മാതാക്കളായ ഹോണ്ട കാർസ് ഇന്ത്യ ലിമിറ്റഡ്, തങ്ങളുടെ പ്രീമിയം കോംപാക്റ്റ് സെഡാൻ അമേസിന്റെ മൂന്നാം തലമുറ പതിപ്പിന്റെ ടീസർ ചിത്രം പുറത്തിറക്കി. എൻട്രി സെഡാനുകളിലെ ജനപ്രിയ ചോയ്‌സ് എന്ന നിലയിൽ, ഇന്നത്തെ ചലനാത്മക തലമുറയുടെ ജീവിതശൈലി ആവശ്യങ്ങൾ നിറവേറ്റുന്നതിനായി ബോൾഡ് ഡിസൈൻ, അത്യാധുനിക സാങ്കേതികവിദ്യ, ഹോണ്ടയുടെ സിഗ്നേച്ചർ വിശ്വാസ്യത എന്നിവ സമന്വയിപ്പിച്ചാണ് ഓൾ-ന്യൂ അമേസ്.

2013-ൽ ഇന്ത്യയിൽ പുറത്തിറക്കിയ അമേസിന്റെ രണ്ടാം തലമുറ പതിപ്പ് അവതരിപ്പിച്ചത് 2018 ലാണ്. എൻട്രി സെഡാനുകൾക്കിടയിൽ പ്രീമിയം സ്‌റ്റൈലിങ്ങിനായി ഒരു മാനദണ്ഡം സ്ഥാപിക്കാൻ ഹോണ്ട അമേസിന് സാധിച്ചു. സുഖം, പ്രകടനം, സുരക്ഷ, മികച്ച മൂല്യം എന്നിവ പുതിയ ഹോണ്ട അമേസിനെ യാത്രകൾ ആരംഭിക്കുന്നവർക്ക് അനുയോജ്യമായ കാറാക്കി മാറ്റി.

“മൂന്നാം തലമുറയ്‌ക്കൊപ്പം, ഞങ്ങളുടെ ആധുനിക ഇന്ത്യൻ ഉപഭോക്താക്കൾക്ക് മുമ്പെങ്ങുമില്ലാത്ത വിധം മെച്ചപ്പെടുത്തിയ പ്രീമിയം പാക്കേജ് വാഗ്ദാനം ചെയ്ത്, ഇത് അടുത്ത ഘട്ടത്തിലേക്ക് കൊണ്ടുപോകാൻ കഴിയുന്നതിൽ ഞങ്ങൾ സന്തുഷ്ടരാണ്.” ഹോണ്ട കാർസ് ഇന്ത്യ ലിമിറ്റഡിന്റെ പ്രസിഡൻ്റും സിഇഒയുമായ തകുയ സുമുറ പറഞ്ഞു.