പാലക്കാട്: തേങ്കുറിശി ദുരഭിമാനക്കൊലയിൽ നീതി നടപ്പായില്ലെന്ന് കൊല്ലപ്പെട്ട അനീഷിന്റെ ഭാര്യ ഹരിത. പ്രതികൾക്ക് വധശിക്ഷ തന്നെ നൽകണമെന്നും സർക്കാർ അപ്പീലിന് പോകണമെന്നും ഹരിത പറഞ്ഞു. എനിക്കും ഭീഷണിയുണ്ടായിരുന്നുവെന്നും ഹരിത കൂട്ടിച്ചേർത്തു. ഈ ക്രൂരതയ്ക്ക് ഈ വിധി പോരെന്ന് അനീഷിന്റെ അച്ഛൻ അറുമുഖനും പറഞ്ഞു. ഇരട്ട ജീവപര്യന്തം കിട്ടുമെന്ന് പ്രതീക്ഷിച്ചിരുന്നുവെന്നും അദ്ദേഹം പറഞ്ഞു.
ശിക്ഷാവിധികേട്ട് പൊട്ടിക്കരഞ്ഞുകൊണ്ടാണ് ഹരിത കോടതിക്ക് പുറത്ത് മാധ്യമങ്ങളെ കണ്ടത്. സാമ്പത്തികമായി ഉയര്‍ന്ന നിലയിലുള്ള ഹരിതയെ ജാതിയിലും സമ്പത്തിലും അന്തരമുള്ള അനീഷ് പ്രണയിച്ചു വിവാഹംചെയ്തതിനാണു വിവാഹത്തിന്റെ 88ാം ദിവസം ഹരിതയുടെ അച്ഛനും അമ്മാവനും അനീഷിനെ വെട്ടിക്കൊലപ്പെടുത്തിയത്. ഹരിതയുടെ അമ്മാവന്‍ ഇലമന്ദം സുരേഷാണ് ഒന്നാംപ്രതി. അച്ഛന്‍ പ്രഭുകുമാര്‍ രണ്ടാം പ്രതിയുമാണ്.
2020 ഡിസംബര്‍ 25ന് വൈകുന്നേരം ആറരയോടെയാണ് അനീഷിനെ വെട്ടിക്കൊലപ്പെടുത്തിയത്.
