ഇന്ന് മലയാളത്തിന്റെ ജനപ്രിയ നായകന് ദിലീപിന്റെ 57ാം ജന്മ ദിനമാണ്. ആരാധകരും സഹപ്രര്ത്തകരും എല്ലാം താരത്തിന് ബേര്ത്ത് ഡേ ആശംസകള് അറിയിക്കുന്ന തിരക്കിലാണ്. ദിലീപിന്റെ സിനിമകളെക്കുറിച്ചും സ്വകാര്യ ജീവിതത്തെക്കുറിച്ചും ആസ്തിയെക്കുറിച്ചുമുള്ള ചർച്ചകളാണ് സോഷ്യൽ മീഡിയ മുഴുവനും.
ഹോട്ടൽ വ്യവസായം, തീയേറ്റർ, ഭാര്യയുടെ ഉടമസ്ഥതിൽ ഉള്ള ബൊട്ടീക്ക്. കേരളത്തിന് അകത്തും പുറത്തുമുള്ള ഫ്ലാറ്റ്, വിലകൂടിയ വാഹനങ്ങൾ എന്നിങ്ങനെ നീളുന്നു മഹാലക്ഷ്മിക്കും മീനാക്ഷിക്കും വേണ്ടി ജനപ്രിയൻ കരുതുന്ന സ്വത്തുവകകൾ. ഏകദേശം അറുനൂറു കോടി രൂപയുടെ ആസ്തി ഉണ്ടെന്നാണ് റിപ്പോർട്ട്.
പതിനാറുവർഷത്തെ ദാമ്പത്യത്തിനൊടുവിൽ 2014-ൽ ആണ് മഞ്ജൂവാര്യരുമായുള്ള വിവാഹബന്ധം ദിലീപ് നിയമപരമായി വേർപ്പെടുത്തിയത്. പിന്നീട് 2016 നവംബർ 25-ന് മലയാള സിനിമാ നടിയായ കാവ്യാ മാധവനെ വിവാഹം ചെയ്തു. ദിലീപിനേക്കാൾ പതിനേഴുവയസ്സ് താഴെയാണ് കാവ്യാ മാധവൻ. എങ്കിലും സന്തുഷ്ടകരമായ ദാമ്പത്യജീവിതം ആണ് ഇവർ നയിക്കുന്നത്. മൂത്തമകൾ മീനാക്ഷി എംബിബിഎസ് അടുത്തിടെ ആണ് പൂർത്തിയാക്കിയയത്. ഇളയമകൾ ആറുവയസ്സുകാരി മഹാലക്ഷ്മി.
ദിലീപിന് പിറന്നാൾ സമ്മാനവുമായി നിർമ്മാതാവ് ലിസ്റ്റിൻ സ്റ്റീഫൻ. നടന്റെ 150-മത് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറക്കി. ലിസ്റ്റിൻ സ്റ്റീഫൻ ഉൾപ്പെടെയുള്ളവരുടെ ഫേസ്ബുക്ക് പേജിലൂടെയാണ് ഫസ്റ്റ് ലുക്ക് പോസ്റ്റർ പുറത്തുവിട്ടത്. ദിലീപിനൊപ്പം ധ്യാൻ ശ്രീനിവാസനും ചിത്രത്തിൽ പ്രധാനവേഷത്തിൽ എത്തുന്നുണ്ട്.
മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ നിർമ്മിച്ച്, ബിന്റോ സ്റ്റീഫൻ സംവിധാനം ചെയ്യുന്ന ചിത്രമാണിത്. ആദ്യമായിട്ടാണ് ഒരു ദിലീപ് ചിത്രത്തിന് ഫാമിലി മൂഡ് നൽകുന്ന ഫസ്റ്റ് ലുക്ക് പോസ്റ്റർ പുറത്തിറങ്ങുന്നത്. എആർഎം എന്ന സൂപ്പർ ഡ്യൂപ്പർ ഹിറ്റ് ചിത്രത്തിനു ശേഷം തികച്ചും വ്യത്യസ്തമായ ചിത്രവുമായാണ് മാജിക് ഫ്രെയിംസ് ഇനി എത്തുന്നത്. ദിലീപ് എന്ന നടനിൽ നിന്നും പ്രേക്ഷകർ എന്നും ഇഷ്ടപ്പെടുന്ന ഒരു കുടുംബ ചിത്രമാണ് “പ്രിൻസ് ആൻഡ് ഫാമിലി “. ദിലീപ് -ധ്യാൻ ശ്രീനിവാസൻ കൂട്ടുകെട്ട് ആദ്യമായി എത്തുന്നതും ഈ ചിത്രത്തിലൂടെയാണ്.
