റായ്‌പൂർ: രാഷ്ട്രപതി ദ്രൗപതി മുർമു റായ്പൂരിലെ ജഗന്നാഥ ക്ഷേത്രത്തിൽ സന്ദർശനം നടത്തി. മുഖ്യമന്ത്രി വിഷ്ണു ദിയോ സായി, ഗവർണർ രമൺ ദേക്ക എന്നിവർക്കൊപ്പം ശനിയാഴ്ചയാണ് മുർമു ക്ഷേത്രത്തിൽ എത്തി പ്രാർത്ഥന നടത്തിയത്.
രണ്ട് ദിവസത്തെ ഛത്തീസ്ഗഢ് സന്ദർശനത്തിനെത്തിയ രാഷ്ട്രപതി വെള്ളിയാഴ്ചയാണ് റായ്‌പൂരിലെത്തിയത്. സംസ്ഥാന സന്ദർശനത്തിന്റെ ഭാഗമായി ഇന്ന് ഭിലായിലെ ഐഐടിയുടെ നാലാമത് ബിരുദദാന ചടങ്ങിൽ പ്രസിഡൻ്റ് മുർമു പങ്കെടുക്കും.
കൂടാതെ റായ്‌പൂരിൽ നടക്കുന്ന പി ടി ദീൻദയാൽ ഉപാധ്യായ മെമ്മോറിയൽ ഹെൽത്ത് സയൻസിന്റെയും ആയുഷ് യൂണിവേഴ്‌സിറ്റിയുടെയും മൂന്നാം ബിരുദദാന ചടങ്ങിലും അവർ പങ്കെടുക്കും.
ഇതിനു പുറമെ ഛത്തീസ്ഗഡ് സർക്കാരിന്റെ മഹ്താരി വന്ദൻ യോജനയ്‌ക്ക് കീഴിലുള്ള 70 ലക്ഷം സ്ത്രീകൾക്കുള്ള ഒമ്പതാം ഗഡു തുക പ്രസിഡൻ്റ് മുർമു വിതരണം ചെയ്യും.
