പാറശ്ശാല: മഹേശ്വരം ശ്രീശിവ പാര്‍വതി ക്ഷേത്രത്തിലെ ദേവലോകം സമര്‍പ്പണം ഭക്തിസാന്ദ്രമായ അന്തരീക്ഷത്തില്‍ ക്ഷേത്ര മഠാധിപതി സ്വാമി മഹേശ്വരാനന്ദ സരസ്വതി നിര്‍വഹിച്ചു.
ക്ഷേത്രത്തിലെ മഹാശിവലിംഗ രൂപത്തിനുള്ളില്‍ ദര്‍ശനം നടത്തി കൈലാസ ദര്‍ശനവും ഭീമാകാരമായ ഹനുമാന്‍ രൂപത്തിനു ള്ളിലൂടെ പ്രവേശിച്ച് നിര്‍മാണം പൂര്‍ത്തിയായ വൈകുണ്ഠത്തില്‍ എത്തി ദര്‍ശനം നടത്തിയതിനു ശേഷം ദേവലോക നിര്‍മിതിയിലേക്ക് പ്രവേശിക്കാന്‍ സാധിക്കും.
ഇവിടെ ബ്രഹ്മാവും സരസ്വതിയും, മഹാവിഷ്ണു ലക്ഷ്മിദേവി, ശിവനും പാര്‍വതിയും, ഗണപതി, മുരുകന്‍ എന്നീ ദേവതാരൂപങ്ങളും വാഹനങ്ങളും നാരദന്‍, ബൃഹസ്പതി എന്നിവരടങ്ങുന്ന ദേവസഭയും ദര്‍ശിക്കാവുന്ന രീതിയിലാണ് നിര്‍മാണം. ക്ഷേത്ര മഠാധിപതി സ്വാമി മഹേശ്വരാനന്ദ സരസ്വതിയുടെ നിര്‍ദേശങ്ങള്‍ അനുസരിച്ച് ക്ഷേത്ര മേല്‍ശാന്തി കുമാര്‍ മഹേശ്വരത്തിന്റെ മേല്‍നോട്ടത്തിലാണ് പണികള്‍ നടന്നത്.
ചടങ്ങില്‍ എംഎല്‍എ വിന്‍സെന്റ്, ജനം ടിവി എംഡി ചെങ്കല്‍ രാജശേഖരന്‍ നായര്‍, അഡ്വ. ജയചന്ദ്രന്‍, പുഞ്ചക്കരി സുരേന്ദ്രന്‍, ക്ഷേത്ര ഭാരവാഹികള്‍, ഭക്തജനങ്ങള്‍ എന്നിവര്‍ പങ്കെടുത്തു.
