കൊച്ചി: നിയമപരിരക്ഷയുള്ള കൊള്ളസംഘമാണ് വഖഫ് എന്ന് ബിജെപി സംസ്ഥാന സെക്രട്ടറി ഡോ. രേണു സുരേഷ്. മുനമ്പത്ത് നടന്ന ന്യൂനപക്ഷമോര്ച്ച നിരാഹാര സമരം ഉദ്ഘാടനം ചെയ്യുകയായിരുന്നു അവര്.
കഴിഞ്ഞ മൂന്ന് തലമുറയായി മുനമ്പത്ത് അധിവസിക്കുന്ന ജനത പണം കൊടുത്തു വാങ്ങിയ ഭൂമിയില് നിന്ന് ഇറങ്ങിപ്പോകേണ്ടി വരുന്നതിന്റെ മൂലകാരണം വഖഫിന്റെ അധിനിവേശമാണ്. എന്തുവില കൊടുത്തും മുനമ്പം ജനതയ്ക്കൊപ്പം നിന്ന് ഈ നീക്കത്തെ ചെറുത്തു തോല്പ്പിക്കുമെന്നും ഡോ. രേണു സുരേഷ് പറഞ്ഞു. മുനമ്പം തീരദേശവാസികളെ കുടിയൊഴിപ്പിക്കാനുള്ള വഖഫ് ബോര്ഡില് അധിനിവേശത്തിനെതിരെയും കോണ്ഗ്രസ് – കമ്മ്യൂണിസ്റ്റ് കള്ളപ്രചരണങ്ങള്ക്കെതിരെയുമാണ് ന്യൂനപക്ഷമോര്ച്ച പ്രതിഷേധിച്ചത്.
ന്യൂനപക്ഷമോര്ച്ച ചെറായി മണ്ഡലം പ്രസിഡന്റ് വര്ഗീസ്, പറവൂര് മണ്ഡലം പ്രസിഡന്റ് ജോണ്, ടൈറ്റസ്, ബെന്നി, സിജി, ഡെനി എന്നിവര് നിരാഹാരം അനുഷ്ഠിച്ചു. നിരാഹാര സമരം ന്യൂനപക്ഷമോര്ച്ച സംസ്ഥാന സെക്രട്ടറി ഡെന്നി ജോസ,് ഫാ. ആന്റണി സേവിയര് എന്നിവ നാരങ്ങാനീര് നല്കി അവസാനിപ്പിച്ചു. ബിജെപി നേതാക്കളായ ഇ.എസ്. പുരുഷോത്തമന്, ഷബിന് ലാല് തെക്കേടത്ത്, വി.വി. അനില് എന്നിവര് സംസാരിച്ചു.
