കോഴിക്കോട്: സര്ക്കാര് ഓഫിസുകളില് ജീവനക്കാരന്റെ അവസ്ഥയെന്തെന്നതിന്റെ ഒടുവിലത്തെ ഇരയാണ് എഡിഎം നവീന് ബാബുവിന്റെ മരണമെന്ന് ഗസറ്റഡ് ഓഫീസേഴ്സ് സംഘ്.
നവീന് ബാബുവിന്റെ മരണത്തിന്റെ അനുശോചനം രേഖപ്പെടുത്തി സംസ്ഥാന കലോത്സവം മാറ്റിവയ്ക്കണം. മാനദണ്ഡങ്ങളില്ലാത്ത സ്ഥലം മാറ്റത്തിന്റെ ഇരകൂടിയാണ് ഇദ്ദേഹമെന്ന് ഗസറ്റഡ് ഓഫീസേഴ്സ് സംഘ് സംസ്ഥാന അദ്ധ്യക്ഷന് ബി. മനു പറഞ്ഞു.
സ്ഥലംമാറ്റം അഴിമതിക്ക് കാരണമാവുകയാണ്. കഴിഞ്ഞ എട്ട് വര്ഷത്തിലുണ്ടായ സ്ഥലമാറ്റങ്ങള് സമഗ്ര അന്വേഷണത്തിന് വിധേയമാക്കണം ഇതിന് ഗവര്ണര് മുന്കൈയെടുക്കണം. ഇടത് വലത് സര്വ്വീസ് സംഘടനകള് ഓഫീസുകളില് രാഷ്ട്രീയ പ്രവര്ത്തനമാണ് നടത്തുന്നത്. പാര്ട്ടി പരിപാടികള്ക്ക് ആളെകൂട്ടാനുള്ള സംഘടനകളായി ഇവര് തരംതാണിരിക്കുന്നു. അദ്ദേഹം പറഞ്ഞു.
