തിരുവനന്തപുരം ; മദ്രസ സംവിധാനത്തില് കൈകടത്താന് ആരെയും അനുവദിക്കില്ലെന്ന് എസ്ഡിപിഐ സംസ്ഥാന പ്രസിഡന്റ് മൂവാറ്റുപുഴ അഷ്റഫ് മൗലവി. വിദ്വേഷ പ്രചാരണങ്ങളും അടച്ചുപൂട്ടല് നീക്കവും വംശീയ താല്പ്പര്യങ്ങളുടെ തുടര്ച്ചയാണെന്നാണ് അഷ്റഫ് മൗലവിയുടെ ഫേസ്ബുക്ക് പോസ്റ്റ്.
മദ്രസകൾക്കു സർക്കാർ ധനസഹായം നൽകുന്നത് നിർത്തണമെന്ന് ദേശീയ ബാലാവകാശ കമ്മീഷന്റെ നിർദേശത്തിന് പിന്നാലെയാണ് അഷ്റഫ് മൗലവി രംഗത്തെത്തിയത്. പൗരന്മാരുടെ വിശ്വാസ സ്വാതന്ത്ര്യത്തിനും ആരാധനാ സ്വാതന്ത്ര്യത്തിനും എതിരായ നീക്കമാണിത്. ഏകശിലാ ക്രമത്തിലുള്ള രാജ്യം സൃഷ്ടിക്കാമെന്ന വ്യാമോഹത്തെ ചെറുത്തുതോല്പ്പിക്കുമെന്നും പോസ്റ്റിൽ പറയുന്നു.
മുസ്ലിം വിദ്യാർഥികളെ മുഖ്യധാരയിലേക്കു കൊണ്ടുവരുന്നതിൽ മദ്രസകൾ പരാജയപ്പെട്ടുവെന്നും വിദ്യാഭ്യാസ അവകാശനിയമത്തിന് എതിരായാണ് പ്രവർത്തിക്കുന്നതെന്നുമാണ് ബാലാവകാശ മ്മിഷൻ പറയുന്നത്. മദ്രസകളിലെ വിദ്യാഭ്യാസ രീതി കുട്ടികളുടെ ഭരണഘടനാവകാശങ്ങൾ ലംഘിക്കുന്നുണ്ടെന്നും കമ്മീഷൻ പറയുന്നു.
