കൊല്ലൂര്‍: നവരാത്രിയോടനുബന്ധിച്ച് മൂകാംബികയില്‍ ദര്‍ശനം നടത്തി നടന് ജയസൂര്യ. മൂകാംബികയില്‍ പ്രാര്‍ത്ഥനയോടെ നില്‍ക്കുന്ന ചിത്രങ്ങള്‍ താരം ഇന്‍സ്റ്റഗ്രാമില്‍ പോസ്റ്റ് ചെയ്തു. വെള്ളിയാഴ്ചയാണ് നടന് ക്ഷേത്രത്തിലെത്തിയത്.
‘അമ്മയുടെ തിരുസന്നിധിയില്‍. മഹാനവമി വിജയദശമി ആശംസകള്‍’ എന്ന അടിക്കുറിപ്പോടെയാണ് ചിത്രങ്ങള്‍.ആത്മീയ യാത്രകള്‍ വളരെയധികം ഇഷ്ടപ്പെടുന്ന ആളാണ് നടന് ജയസൂര്യ.
അടുത്തകാലത്ത് ഹേമ കമ്മിറ്റി റിപ്പോര്‍ട്ടിന് പിന്നാലെ രണ്ട് നടിമാര്‍ ജയസൂര്യക്കെതിരെ ആരോപണമുന്നയിച്ചിരുന്നു. തുടര്‍ന്ന് കേസെടുത്തു. ഈ മാസം 15ന് തിരുവനന്തപുരം കന്റോണ്‍മെന്റ് പൊലീസ് സ്‌റ്റേഷനില്‍ ഹാജരാകാന്‍ നടന് നിര്‍ദേശം നല്‍കിയിട്ടുണ്ട്. സിനിമാ ലൊക്കേഷനുകളില്‍ വച്ച് കടന്നുപിടിച്ചെന്നാണ് പരാതി.
